Օբաման ննջել է G20-ի ժամանակ (տեսանյութ)

REN TV-ն իր կայքում հրապարակել է տեսանյութ, որում երևում է ԱՄՆ նախագահ Բարաք Օբաման՝ Չինաստանում ընթացող «Մեծ քսանյակի» գագաթնաժողովին ննջելիս։ Տեսագրությունում երևում է, որ քաղաքական գործիչը որոշ ժամանակ նստած է աչքերը փակ, գլուխը ձեռքով պահած։

Հեռուստաալիքը՝ հղում անելով անանուն բլոգերներին, հայտնում է, որ նախագահը ննջել է գագաթնաժողովի բացման արարողության ժամանակ։ Չի բացառվում, որ Օբաման պարզապես կարող էր փակ աչքերով մտածել։

Գագաթնաժողովն ընթանում է Հանչժոու քաղաքում, սեպտեմբերի 4-5-ը։