Գողացել են Բրեժնևի մեծադիր լուսանկարը

Ոստիկանության Բյուրեղավանի բաժանմունքի ծառայողներն օպերատիվ տեղեկություններ են ստացել, որ 46-ամյա տղամարդը Կոտայքի մարզում բնակարանային գողություն է կատարել:

Սեպտեմբերի 8-ին Բյուրեղավանի ոստիկանություն է բերման ենթարվել Բյուրեղավան քաղաքի բնակիչ 46-ամյա Գեղամ Աղեկյանը: 

Shamshyan.com-ի տեղեկություններով՝ նա Նուռնուզ գյուղի Շինարարների փողոցում գտնվող Երևան քաղաքի Սայաթ-Նովայի պողոտայի բնակիչ 79-ամյա Ֆելիքս Մկրտչյանի ամառանոցից գողացել է Սովետական միության մոտ 40 մետաղադրամ, Սովետական միության մեդալներ և Լեոնիդ Իլյիչ Բրեժնևի մեծադիր լուսանկարը:

Փաստի առթիվ ոստիկանության Բյուրեղավանի բաժանմունքում հետաքննություն է սկսվել: