Քաղաքաշինության կոմիտեի նախագահը քաղաքացիների ընդունելության օր է անցկացրել
Հայաստան
Քաղաքաշինության կոմիտեի նախագահ Ավետիք Էլոյանը սեպտեմբերի 13-ին անցկացրել է քաղաքացիների ընդունելության օր:
Ինչպես տեղեկացրին ՀՀ քաղաքաշինության կոմիտեից, մեկ տասնյակից ավելի քաղաքացիներ, հասարակական կազմակերպությունների ներկայացուցիչներ Կոմիտեի նախագահին են ներկայացրել իրենց հուզող խնդիրները, ոլորտի բարելավմանն ուղղված առաջարկները:
Նոր կառուցվող շինությունների մատչելիության հարցը՝ բնակչության սակավաշարժ խմբերի և հաշմանդամների համար, սեյսմակայուն շինարարության վերաբերյալ գիտական վերլուծություն, քաղաքաշինական նորմերի խախտմամբ իրականացվող շինարարություն, ոլորտի փորձագիտական կենտրոնի վերականգնման անհրաժեշտություն:
Այս և այլ բազմաթիվ հարցերի վերաբերյալ Կոմիտեի նախագահը հանձնարարել է ստորաբաժանումներին մանրամասն ուսումնասիրություն կատարել, կառույցի լիազորության շրջանակներում լուծումներ տալ քաղաքացիների բարձրացրած խնդիրներին, մասնագիտական շրջանակների հետ համագործակցության, և առհասարակ, կառուցողական առաջարկներն ընդգրկել Կոմիտեի հետագա աշխատանքներում:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
