Ո՞ւմ կյանքն է որակապես բարելավվել Նոր Հայաստանում
Վերլուծական
Հայաստանի իշխանությունները սիրում են կրկնել, որ վերջին մեկ ու կես տարում մեր երկրում իրավիճակ է փոխվել, հատկապես, մարզերում: Այն, որ մարզերում սոցիալ-տնտեսական վիճակը որևէ կերպ փոփոխության չի ենթարկվել, երևում է անգամ պաշտոնական վիճակագրությունից: Սակայն իշխանությունները, մեկ է, պնդում են, որ մարզերի բնակիչները արդեն իսկ իրենց մաշկի վրա են զգում հեղափոխության բարեբեր փոփոխությունները: Եթե մարզերում կան մարդիկ, որոնց կյանքում ռեալ փոփոխություններ են արձանագրվել, ապա դրանք հենց մարզի ղեկավարներն են: Ինչպես հին, լավ ժամանակներում, այսօր էլ՝ Նոր Հայաստանում բարգավաճում են միայն մարզպետները, իսկ ահա մարզի շարքային բնակիչները ստիպված են մինչ օրս էլ ճանապարհ փակել, բողոքի ակցիաներ իրականացնել՝ օրվա հացից չկտրվելու համար: Այն, որ մարզպետների կյանքում իրավիճակ է փոխվել, ակնհայտ է դառնում վերջիններիս հայտարարագրերից:
Ընդ որում, դրանք պետք է դիտարկել տարեկան կտրվածքով՝ ինչով մարզպետները պաշտոնի եկան և ինչ ձեռք բերեցին մեկ տարի անց: Իսկ պատկերը, այստեղ, ավելի քան հետաքրքիր է, օրինակ Արագածոտնի մարզպետ Դավիթ Գևորգյանը պաշտոնը ստանձնելու օրվա դրությամբ հայտարարագրել էր 1,319,480.00 ՀՀ դրամի եկամուտ, իսկ տարվա ավարտին՝ 5,597,480.00 ՀՀ դրամ: Կոտայքի մարզպետ Ռոմանոս Պետրոսյանը պաշտոնը ստանձնելու օրվա դրությամբ հայտարարագրել էր 588,228.00 ՀՀ դրամի եկամուտ, մեկ տարի անց այդ թիվը հասել է ՝ 3,984,473.00 ՀՀ դրամի: Արմավիրի մարզպետ Համբարձում Մաթևոսյանը պաշտոնը ստանձնելու օրվա դրությամբ հայտարարագրել էր՝ 4,847,048.00 ՀՀ դրամի եկամուտ, մեկ տարի անց այն կազմել էր արդեն՝ 6,539,068.00 ՀՀ դրամ: Լոռու մարզպետ Անդրեյ Ղուկասյանը պաշտոնը ստանձնելու օրվա դրությամբ հայտարարագրել էր 3,500,000.00 ՀՀ դրամ, մեկ տարի անց՝ 5,298,178.00 ՀՀ դրամ: Գեղարքունիքի մարզպետ Գնել Սանոսյանը պաշտոնը ստանձնալու օրվա դրությամբ (բնապահպանության նախարարի տեղակալ) հայտարարագրել էր 41,650.00 ՀՀ դրամ, մեկ տարի անց՝ 4,054,158.00 ՀՀ դրամ, 45,000.00 ռուսական ռուբլի:
Ավելի քան ակնհայտ է, որ կյանքի որակական փոփոխություն Նոր Հայաստանում, իսկապես, արձանագրվել է, սակայն՝ ոչ հպարտ քաղաքացիների մոտ…
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
