Ինչպե՞ս են ազդել իշխանական հիմնադրամին կատարած փոխանցումները՝ օլիգարխների վճարվող հարկերի վրա
Վերլուծական
Հայաստանի 1000 ամենախոշոր հարկատուների կողմից պետական բյուջե վճարված հարկերի ծավալը, 2019թ. հունվար-դեկտեմբեր ամիսներին նախորդ տարվա նույն ժամանակահատվածի համեմատ, աճել է 13%-ով՝ կազմելով 1,061,2 մլրդ դրամ նախորդ ժամանակահատվածի 939,18 մլրդ դրամի փոխարեն: Խոշորագույն հարկատուների ցանկը, 2019-ի տվյալներով, գլխավորել է «Գրանդ Տոբակո»-ն: Վերջինիս վճարած հարկերը հաշվետու ժամանակահատվածում կազմել են 57,05 մլրդ դրամ՝ նախորդ տարվա համեմատ աճելով 35,1%-ով (2018-ի նույն ժամանակահատվածում պետական բյուջե էր վճարել 42,23 մլրդ դրամ եւ եղել է երկրորդը):
Երկրորդ հորիզոնականում «Զանգեզուրի պղնձամոլիբդենային կոմբինատ»-ն է: Վերջինս հունվար-դեկտեմբեր ամիսներին վճարել է 51,36 մլրդ դրամ հարկ, ինչը գերազանցում է ընկերության՝ 2018-ի նույն ժամանակահատվածի ցուցանիշը ընդամենը 0.5%-ով (նախորդ տարի նույն ժամանակահատվածում պետական բյուջե էր վճարել 51,09 մլրդ դրամ՝ զբաղեցնելով առաջին հորիզոնականը): Խոշորագույն հարկատուների ցուցակում երրորդը «Գազպրոմ Արմենիա»-ն է՝ 43,64 մլրդ դրամ հարկերով: Չնայած ընկերությունը նախորդ տարվա նույն ժամանակահատվածում կրկին եղել է երրորդը, սակայն վերջինիս վճարած հարկերն ավելացել են 8,9%-ով: Ցանկում չորրորդը «Ինտերնեյշնլ Մասիս Տաբակ» ընկերությունն է (նախորդ տարի զբաղեցրել էր 9-րդ հորիզոնականը), որը հաշվետու ժամանակահատվածում պետական բյուջե է վճարել 19,22 մլրդ դրամ հարկ՝ նախորդ տարվա նույն ժամանակահատվածի 13,08 մլրդ դրամի փոխարեն (աճը կազմել է շուրջ 47%): Ամենախոշոր հարկատուների հնգյակը եզրափակում է «Ջեյ Թի Այ Արմենիա» ընկերությունը, որը, 2019թ. հունվար-դեկտեմբերի տվյալներով, վճարել է 16,44 մլրդ դրամ հարկ: Ընկերության վճարած հարկերը նախորդ տարվա համեմատ աճել են 17,6%-ով, եւ այն 7-րդից դարձել է 5-րդը հարկատուների ցանկում:
1000 խոշոր հարկատուների առաջին տասնյակում ներառվել են նաեւ՝«Ֆլեշ» ընկերությունը՝ 15,99 մլրդ դրամ (աճը՝ 38,8%), «ՍիՓիԷս Օիլ»-ը՝ 14,05 մլրդ դրամ (անկում ՝23,1%), «Ֆիլիպ Մորրիս Արմենիա»-ն՝ 13,70 մլրդ դրամ (աճ՝ 1,1%), «Գեոպրոմայնինգ Գոլդ»-ը՝ 13,67 մլրդ դրամ (անկում՝ 15,2%), «Վեոն Արմենիա»-ն՝ 12,24 մլրդ դրամ (աճ՝ 222,9%):
Իսկ այժմ ամենա ուշագրավը, «Իմ քայլը» հիմնադրամի կայքում պարբերաբար հրապարակվում են նվիրատուների ցանկերը, որտեղ կարելի է գտնել բազմաթիվ ծանոթ դեմքերի, նաև՝ 1000 խոշոր հարկատուների ցանկից: Ընդ որում հետաքրքիր է՝ որքանով է ազդել հիմնադրամին փոխանցում կատարելը՝ վերջիններիս վճարած հարկերի վրա և ազդե՞լ է արդյոք, ընդհանրապես: Այսպես՝ Սամվել Ալեքսանյանին պատկանող «Երևան Սիթի»-ն 2019 թվականին հիմնադրամին փոխանցել է 34.500.000 ՀՀ դրամ: 2019-ի չորրորդ եռամսյակում «Սիթի»-ն վճարել է 7,832,204 ՀՀ դրամի հարկ, երրորդ եռամսյակի՝ 5,670,085-ի դիմաց: «ԱԼԵՔՍ ՀՈԼԴԻՆԳ»-ը երրորդ եռամսյակում վճարել էր 1,914,449 ՀՀ դրամի հարկ, չորրորդ եռամսյակում՝ 2,182,961 ՀՀ դրամի հարկ:
«Ինեկոբանկ» ՓԲԸ-ն «Իմ քայը» հիմնադրամին էր փոխանցել 24.300.000 ՀՀ դրամ: 2019-ի երրորդ եռամսյակում բանկի վճարած հարկերը կազմում էին՝ 3,792,887 ՀՀ դրամ, չորրորդ եռամսյակում՝ 4,880,207 ՀՀ դրամ: «Յուքոմ» հեռահաղորդակցության ընկերությունը հիմնադրամին փոխանել էր 15.000.000 ՀՀ դրամ: 2019-ի երրորդ եռամսյակում վճարած հարկերի ծավալը կազմել էր 7,373,724 ՀՀ դրամ, չորրորդում՝ 8,941,372 ՀՀ դրամ: ՖԼԵՇ ՍՊԸ-ն նույնպես անմասն չի մնացել և հիմնադրամին է փոխանցել 5.000.000 ՀՀ դրամ: 2019-ի երրորդ եռամսյակում վճարել էր 10,750,288 ՀՀ դրամ, չորրորդում՝ 15,990,106 ՀՀ դրամ: «Նոր Զովք» սուպերմարտկետների ցանցը հիմնադրամին փոխանցել էր 1.200.000 դրամ: 2019-ի երրորդ եռամսյակում վճարված հարկերի ծավալը կազմել է 1,016,385 ՀՀ դրամ, չորրորդում՝ 1,306,453 ՀՀ դրամ:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
