Ովքե՞ր են մերօրյա «գծատերերը» և ինչո՞ւ նրանք չեն զիջում դիրքերը
Վերլուծական
Երևանի քաղաքապետ Հայկ Մարությանի նախընտրական խոստումներից մեկը վերաբերվում էր երթուղային ցանցը շահագործող գծատերերից ազատագրմանը: Մարությանը խոստանում էր, որ կլինի միասնական տրանսպորտային ցանց, և գծատեր հասկացությունը պարզապես կվերանա: Մինչ օրս դեռ պարզ չէ՝ վերացել են այդ գծատերերը, թե ոչ, սակայն ակնհայտ է, որ միասնական տրանսպորտային ցանցի ձևավորումը ժամանակ է պահանջելու, իսկ այդ ընթացքում գծատերերը, որոնց վերացման մասին ոչինչ չի վկայում, քանի որ նրանք շարունակում են աշխատել բնականոն ռեժիմով՝ ապահովելու են իրենց գերշահույթները:
Ժամանակին շատ է խոսվել այս յուղոտ բիզնեսի և դրանում ներգրավված պաշտոնյաների մասին: Եվ այսպես, ովքեր էին Հին Հայաստանի գծատերերը, որոնցից շատերը սահուն կերպով վերածվեցին Նոր Հայաստանի գծատերերի: Տարբեր տարիներին մամուլում գրվել է, որ, օրինակ, ՀՀԿ փոխնախագահ Գալուստ Սահակյանի որդուն` Արման Սահակյանին է պատկանում միկրոավտոբուսային 64 երթուղին սպասարկող «ՍԱ-ՂԱ ՏՐԱՆՍ» ՍՊԸ: Տրանսպորտի վարչության արդեն նախկին պետ Հենրիկ Նավասարդյանի որդի Անդրանիկ Նավասարդյանին է պատկանում 18 ավտոբուսային երթուղին սպասարկող «ԴՅԱԿՈ-ԱՐԹ» ՍՊԸ-ն: Երվանդ Զախարյանի եղբայր Սեյրան Զախարյանին է պատկանում միանգամից 1, 10, 12, 13, 19, 21, 23, 25, 29, 34, 49 միկրոավտոբուսային երթուղիները սպասարկող «Երեւանի միկրոավտոբուսային ՈւԱՏ» ՓԲԸ-ն: Պատգամավոր Ռուբեն Գևորգյան (Ծաղիկ Ռուբո)-ին է պատկանում 30 երթուղին: Տարոն Մարգարյանի աներորդի Ռոբերտ Սարգսյանին է պատկանում 5, 32 միկրոավտոբուսը սպասարկող «Ռոբերտ-Տարոն» ՍՊԸ-ն: Գալուստ Սահակյանին է պատկանում 57 ավտոբուսը սպասարկող «Արդինի ստուդիա» ՍՊԸ-ն:
Կան իհարկե նաև ավելի փոքր ընկերություններ: Դրանք են՝
Սաղա Տրանս ընկերությունը՝
Լյուդվիգ և որդի ՍՊԸ՝
Նեման Տրանս ՍՊԸ՝
Հուսո Երթ ՍՊԸ՝
Սաքխաչ ՍՊԸ՝
Գամ Տրանս ՍՊԸ՝
Երկու Ընկեր ՍՊԸ՝
Շակո Գրուպ ՍՊԸ՝
Կոստանդյան եղբայրներ ՍՊԸ՝
Ստեփանյան Միքայել ՍՊԸ՝
Ասկեր Յունիոն ՍՊԸ՝
Էյ Սի Թրանս Մոբիլ ՍՊԸ
ՈՒՂԻՂ ԵԹԵՐ
Ամենադիտված 
Երկար ժամանակ ջուր չի լինի. հասցեներ
