Գերշահույթը՝ «ժանտախտի» ժամանակ. Սամվել Ալեքսանյանի «մաստեր-կլասս»-ը

Տնտեսական մրցակցության պաշտպանության պետական հանձնաժողովը պարզաբանում է սպիրտի թանկացման պատճառները։ Հանձնաժողովը նշում է․ «Թանկացումները պայմանավորված են բացառապես ՀՀ հարկային օրենսգրքում տեղի ունեցած փոփոխություններով, ինչը համահունչ է ԵԱՏՄ մեր պարտավորություներին: Մասնավորապես ՀՀ հարկային օրենսգրքի 88-րդ հոդվածի 4-րդ մասի համաձայն` ակցիզային հարկ վճարողների, ինչպես նաև ակցիզային հարկ վճարող չհամարվող կազմակերպությունների և անհատ ձեռնարկատերերի կողմից ԱՏԳ ԱԱ 2207 ծածկագրին դասվող` շշալցված ապրանքների և ԱՏԳ ԱԱ 2208 ծածկագրին դասվող ապրանքների (բացառությամբ 40 տոկոս և բարձր սպիրտայնությամբ չշշալցված կոնյակի, չշշալցված կոնյակի սպիրտի և ԱՏԳ ԱԱ 2208 20 ծածկագրին դասվող` շշալցված ապրանքների) օտարման դեպքում այդ ապրանքների օտարման գինը (ներառյալ` ակցիզային հարկը և ավելացված արժեքի հարկը) չի կարող պակաս լինել մեկ լիտրի համար 6000 դրամից` 100-տոկոսանոց սպիրտի վերահաշվարկով»: Այսպիսով, 1 լիտր սպիրտի գինը (100 տոկոսանոց սպիրտի վերահաշվարկով) կազմում է 6000 դրամ: Այսինքն, թե՛ վարչապետ Նիկոլ Փաշինյանը, թե՛ ՏՄՊՊՀ-ն իրենց սրտի օլիգարխ Սամվել Ալեքսանյանի կողմից իրականացվող թանկացումները պատճառաբանում են հարկային օրենսգրքի փոփոխություններով, որոնք, հիշեցնենք, երեկ չէ, որ ուժի մեջ է մտել:

Եվ անգամ եթե խնդիրը ակցիազային հարկն է, արդյո՞ք այս պարագայում 400-450 դրամանոց սպիրտը կարող էր միանգամից դառնալ 3000 դրամ: Արդյոք՞ շատ կտրուկ չեն այդ թանկացումները և շատ տեղին չեն՝ տնտեսվարողի համար, ով գերշահույթ է ապահովելու՝ այս օրերին հանրության համար այդքան կարևոր ապրանքը նման գնով վաճառելով: Հասկանալի է, որ առնվազն սպիրտի պարագայում պատկան մարմինները և վարչապետը լիովին անկեղծ չեն, իսկ դա նշանակում է, որ վաղը կամ մյուս օրը նույն տնտեսվարողը կարող է թանկացնել որևէ այլ առաջին անհրաժեշտության ապրանք և հղում անել հարկային օրենսգրքի փոփոխության վրա: Եթե պետությունը ունենար համապատասխան լծակներ, հատկապես արտակարգ դրության պայմաններում զսպելու նման մեխանիզմների գործարկումը տնտեսվարողների կողմից, թերևս մենք այսօր չէինք ունենա նման պատկեր: Սակայն վերահսկողական լծակներ ձեռք բերելու փոխարեն, իշխանությունները կարծես թե որոշել են ներքին համաձայնության գալ այդ նույն տնտեսվարողների հետ…

Այս թեմայով Սամվել Ալեքսանյանի՝ զուգագուլպաների արտադրող «Ալեքս Սոկս» ընկերությունն ազատվեց մաքսատուրքից Լուսանկարներ՝ Սամվել Ալեքսանյանի որդու հարսանիքից «Հրապարակ». Սամվել Ալեքսանյանի որդու հարսանիքը՝ Դուբայում. Փաշինյանի ընտանիքից եւս անդամներ եղել են Սամվել Ալեքսանյանն ընտանիքի հետ Հնդկաստանում է. ինչպես են նրանց դիմավորել (տեսանյութ, լուսանկարներ) Ինչո՞ւ է Սամվել Ալեքսանյանը կիրակի օրով այցելել ԵՊՀ և ուսումնասիրել նկուղները. «Հրապարակ»