«Վեհափա՛ռ Տեր, մաղթում եմ ձեզ ուժ, կորով». Վանեցյանը շնորհավորական ուղերձ է հղել Գարեգին Բ Ամենայն Հայոց Կաթողիկոսին
Հասարակություն
Արթուր Վանեցյանը շնորհավորական ուղերձ է հղել Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին՝ ծննդյան օրվա առթիվ:
«Գարեգին Բ Ամենայն Հայոց Կաթողիկոսի ծննդյան օրվա առթիվ.
Վեհափա՛ռ Տեր,
Ընդունե՛ք, խնդրեմ, իմ որդիական խոնարհումն ու ջերմագին շնորհավորանքները Ձեր տարեդարձի կապակցությամբ: Հիրավի, անուրանալի է Հայաստանյայց Սուրբ Առաքելական Եկեղեցու դերակատարումը հայոց ինքնության, Հայրենիքի ծաղկման, ազգային ու հոգևոր արժեքների պահպանման ու տարածման գործում: Ձեր առաջնորդությամբ այսօր մեր հավատավոր ժողովուրդը հաստատուն քայլերով օր օրի ավելի է ամրապնդում հավատն առ Աստված, մեծ թափ է ստանում եկեղեցաշինությունը, վերականգնվում է մեր նախնիների թողած հոգևոր-մշակութային ժառանգությունը:
Թո՛ղ Աստծո բարեհաճությունը՝ Ձեր հայրապետական աղոթքների զորությամբ, մեր Հայրենիքին խաղաղություն, բարեկեցություն և հարատևություն պարգևի:
Որդիական խոնարհությամբ մատչիմ ի համբոյր Ձերդ Սրբութեան Օծեալ Սուրբ Աջոյն»,- նշված է ուղերձում։
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
