Իրանի արտգործնախարարի՝ Ադրբեջանին ուղղված շնորհավորանքին հարկ է ըմբռնումով մոտենալ. Արդարադատության նախկին նախարար

Իրանը հաշվի է առնում նոր իրողություններում իր շահերի պաշտպանության նոր վեկտորները, որոնք արդեն Հայաստանի տիրույթից գրեթե դուրս են։ Այս մասին ֆեյսբուքյան իր էջում գրել է իրավաբանական գիտությունների դոկտոր Գևորգ Դանիելյանը։

«Իրանի արտգործնախարարի` ադրբեջանին ուղղված շնորհավորանքին հարկ է ըմբռնումով մոտենալ` առնվազն Նախիջևանով անցնող ճանապարհին միանալու խնդիրն արդեն օրինաչափ շարժառիթ է դարձել և ոչ միայն։ Իրանը հաշվի է առնում նոր իրողություններում իր շահերի պաշտպանության նոր վեկտորները, որոնք արդեն Հայաստանի տիրույթից գրեթե դուրս են։ Մառնեուլում ադրբեջանցիների ագրեսիվությունը ևս այդ համատեքստում է` հավանաբար, հանձնարարություն են ստացել ամեն գնով ստեղծելու Վրաստանով անցնող ճանապարհի վտանգավորության զգացում, որպեսզի Մեղրիի միջանցքն ընկալվի իբր շահեկան այլընտրանք` արդեն մեզ համար»,- գրել է Դանիելյանը։