«Հրապարակ». Արցախում ամսվա ընթացքում մեկ շաբաթ կամ 10 օր պետական պաշտոնյաները պետք է սահման պահեն
Հայկական Մամուլ
«Հրապարակ» թերթը գրում է. «Արցախի անվտանգության խորհուրդը քննարկում է պետական պաշտոնյաներին եւս սահմանային ծառայության մեջ ընդգրկելու հարցը։ Պետական գերատեսչություններում արդեն իսկ սկսել են փաստաթղթային հավաքագրումները, որպեսզի հասկանան՝ քանիսն են պիտանի ծառայության, եւ ինչ ռեժիմ պետք է սահմանվի։ Քննարկումների համաձայն՝ ամսվա ընթացքում մեկ շաբաթ կամ տասն օր պետական պաշտոնյաները, որպես աշխատանքի բաղկացուցիչ մաս, պետք է սահման պահեն։
Պատգամավոր Դավիթ Գալստյանը մեր լրագրողի հետ զրույցում չի հերքել նման քննարկումների փաստը՝ ասելով, որ հարցը դեռ պետք է քննարկվի ԱԽ-ում․ «Պետական համակարգի աշխատողները մեր անվտանգության ապահովման գործում իրենց լուման պետք է ունենան, ամսվա մեջ որոշակի տեւողություն սահման գնան»։ Սա նաեւ խոսում է այն մասին, որ Հայաստանի զինված ուժերի՝ Արցախում ծառայության հետ կապված արգելքները լուրջ են, եւ հնարավոր է, որ առաջիկայում Ադրբեջանն այդ հարցում եւս հասնի հաջողության։ «Շատ ավելի ծանր որոշումները գտնվում են մեր առջեւում» ասելով՝ գուցե Արցախի նախագահը նաեւ սա նկատի ուներ»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
