«Վեսթ Հեմը» հայտարարել է «Մանչեսթեր Յունայթեդից» Լինգարդին վարձավճարով ձեռք բերելու մասին
ԱյլԱնգլիայի հավաքականի ֆուտբոլիստ Ջեսի Լինգարդը վարձավճարով տեղափոխվել է «Մանչեսթեր Յունայթեդից» «Վեսթ Հեմ», հայտնում է ակումբի կայքը: 28-ամյա կիսապաշտպանի հետ պայմանագիրը հաշվարկվում է մինչև 2020/21 մրցաշրջանի ավարտը: Ընթացիկ մրցաշրջանում Լինգարդը երեք խաղ է անցկացրել «Մանչեսթեր Յունայթեդում», որի կազմում անցկացրած 210 խաղում ընդհանուր 33 գոլ է խփել:
«Հուզված եմ: Սա իմ կյանքի մեկ այլ նոր գլուխ է: Ոչինչ երաշխավորված չէ, բայց ես եկել եմ այստեղ՝ քրտնաջան աշխատելու, թիմին օգնելու և իմ փորձով կիսվելու համար: Սա է իմ հիմնական նպատակը: Ես պարզապես ուզում եմ վայելել ֆուտբոլը, վերադառնալ խաղին և վերադառնալ խաղադաշտ», - ասել է Լինգարդը:
«Վեսթ Հեմը» 35 միավորով 5-րդն է Պրեմիեր լիգայում: