Կինը և դուստրը հանգստի մեկնելուց հետո մահացու վիրուս են ձեռք բերել

ՌԴ Պերմ քաղաքի բնակչուհին և նրա երկու տարեկան դուստրը, ովքեր արձակուրդի էին մեկնել Զանզիբար, վարակվել են «աֆրիկյան տրիպանոսոմիազով»։ Այս մասին նա հայտնել է Ura.ru պորտալին:
Ընտանիքը Զանզիբար էր մեկնել 2020 թվականի նոյեմբերին, որտեղ կնոջն ու երեխային միջատները խայթել էին: Ամանորից հետո, արդեն Պերմում, 2-ամյա աղջկա մոտ տենդ է սկսվել: Բժիշկները երեխայի մարմնում հայտնաբերել են արևադարձային մակաբույծի խայթոցի հետքեր։ Երեխայի մոր խոսքով՝ իր դուստրը «ամեոբիկ վիճակում է»: Մոտ ապագայում նախատեսվում է, որ աղջկան կուղարկեն Մոսկվա՝ բուժման:
«Քնի վիրուսը», որը կոչվում է նաև «աֆրիկյան տրիպանոսոմիազ», տարածված արևադարձային հիվանդություն է, որը չբուժվելու դեպքում կարող է մահացու լինել: Այն փոխանցվում է վարակված ճանճի խայթոցով, որը հանդիպում է Աֆրիկայի մայրցամաքում: Աֆրիկայում ավելի քան 60 միլիոն մարդ վարակված է «քնի վիրուսով»։ Ցեցե ճանճի խայթոցի տեղում կարմիր բշտիկ է առաջանում, և մի քանի շաբաթ անց մարմնի ջերմաստիճանը բարձրանում է, ավշային հանգույցներն ուռչում են, մկանների և հոդերի ցավեր, գլխացավեր են ի հայտ գալիս: Հետագա փուլերում հիվանդությունը ազդում է կենտրոնական նյարդային համակարգի վրա։ Խնդիրները կարող են ավելի խորանալ տարիների ընթացքում, և համապատասխան բուժում չստանալու դեպքում՝ խայթոցը կարող է մահվան պատճառ դառնալ։