Հաղթանակը ամրագրված ես փոխանցել եմ հաջորդ իշխանություններին. Լևոն Տեր-Պետրոսյան

«Եթե այս պահը եւ հնարավորությունն էլ կորցնենք, Հայաստանին շատ վատ բաներ են սպասվում» ։ Այս մասին հունիսի 10-ի մամուլի ասուլիսում ասաց Հայաստանի առաջին նախագահ, Հայ ազգային կոնգրեսից վարչապետի թեկնածու Լեւոն Տեր-Պետրոսյանը։

Այն ժամանակ ես արձանագրեցի հաղթանակը ղարաբաղյան պատերազմում եւ փոխանցեցի հաջորդ իշխանություններին։ Վազգեն Սարգսյանը, Ռոբերտ Քոչարյանը եւ Սերժ Սարգսյանը այնպես էին տրամադրված, որպեսզի ես ոչ մի դեպքում չիրականացնեի իմ ծրագիրը։ Ընդ որում՝ Ադրբեջանն այն ժամանակ ավելի շատ էր պատրաստ ստորագրել փաստաթղթեր, քան վերջին 23 տարում։ Բայց եթե ես փորձեի իրականացնել իմ ծրագիրը, ապա Հայաստանում քաղաքացիական պատերազմ կսկսվեր։ Չեմ չափազանցում։ Դրանից խուսափելու համար ես հրաժարական տվեցի»,- նշեց առաջին նախագահը՝ անդրադառնալով 1998թ. փետրվարի իրադարձություններին։