«Լուսավոր Հայաստանը» 3-րդ տեղում է .բավական ակտիվ քարոզարշավ ենք անցկացրել. Մարուքյան
ՏեսանյութերԱյս մասին լրագրողների հետ զրույցում նշեց «Լուսավոր Հայաստան» կուսակցության նախընտրական ցուցակը գլխավորող Էդմոն Մարուքյանը՝ վստահություն հայտնելով, որ համերաշխության իրենց ուղերձները տեղ են հասել:
«Ես ձեզ ներկայացնեմ մեր ուսումնասիրությունները, որոնք իրականացրել ենք խոշոր քաղաքներում: Այս պահին «Լուսավոր Հայաստանը» 3-րդ տեղում է: Բավական ակտիվ քարոզարշավ ենք անցկացրել, մեր ուղերձները տեղ են հասել և, ի զարմանս մեզ, ավելի շատ ազդեցություն են ունեցել, քան մենք կարծում էինք: Մեր ուղերձի ավելի շատ ազդեցություն ունենալուն օգնել են միմյանց ոչնչացնելու մոլուցքով տառապող երկու բևեռները: Իրենք միմյանց նկատմամբ այնքան են սրել պայքարը, որ կենտրոնական հատվածում ազգային միասնական կառավարություն ստեղծելու համերաշխության ուղերձը երկու անգամ ավելի էֆեկտ է տվել»,- ասաց Էդմոն Մարուքյանը:
«Լուսավոր Հայաստանն» առաջիկա օրերին ևս ակտիվ շարունակելու է իր քարոզարշավը: Կուսակցությունն ավելի շատ նախընտրում է տնետուն այցելությունները, բակերում բնակիչների հետ հանդիպումներ ունենալը, քան դահլիճային կամ արհեստական ցույցերը: Իրենք խնդիր են դրել իրենց ուղերձները հասցնել նրանց, որոնք չեն կողմնորոշվել:
Էդմոն Մարուքյանը վստահություն հայտնեց, որ «Լուսավոր Հայաստանը» ընտրություններից հետո բացառիկ դեր է խաղալու հնարավոր բախումները կանխելու, համերաշխության կառավարություն ձևավորելու գործում:
«Ես տեսնում եմ, որ այլ քաղաքական ուժեր ևս միանում են համերաշխության ուղերձին: Այսօր մեր թշնամին սահմանը հատած Ադրբեջանի զորքն է, մենք ներսում թշնամիներ չենք կարող փնտրել, մենք պետք է գնանք համերաշխության ճանապարհով, դրան այլընտրանք չկա: Այս ընտրությունները դրվել են, որ լուծումներ գտնենք: Բանալին ազգային համաձայնության կառավարություն ձևավորելն է»,- ասաց Էդմոն Մարուքյանը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
