Հիրոսիմայի օրը․ այսօր միջուկային զենքի դեմ պայքարի համաշխարհային օրն է

Այսօր՝ օգոստոսի 6-ին, միջուկային զենքի դեմ պայքարի համաշխարհային օրն է։ Այն ամեն տարի նշվում է ամբողջ աշխարհում: 1945 թվականի այս օրը ամերիկյան ինքնաթիռները ռմբակոծեցին ճապոնական Հիրոսիմա քաղաքը:

Ատոմային ռումբի մարտական ​​օգտագործման նախապատրաստական ​​աշխատանքները սկսվեցին 1944 թվականի ամռանը: 1945-ի մայիս-հունիս ամիսներին Ամերիկայի 509-րդ խառը օդային խումբը ժամանեց Խաղաղ օվկիանոսում գտնվող Մարիանյան կղզեխմբի Թինյան կղզի: 1945 թվականի հուլիսի 25 -ին ԱՄՆ նախագահ Հարի Թրումենը հաստատեց հրամանատարությունը՝ ռմբակոծելու հետևյալ թիրախներից մեկը՝ Հիրոսիմա, Կիոտո, Կոկուրա, Նիիգատա կամ Նագասակի:

1945 թվականի օգոստոսի 6-ին երեք հետախուզական ինքնաթիռ, գնդապետ Պոլ Թիբեթսի հրամանատարությամբ, մտավ նշանակված տարածքներ: Փոխադրող ինքնաթիռից 6 ֊7 կիլոմետր հեռավորության վրա հետևում էր միջուկային պայթյունի պարամետրերը գրանցող սարքավորումներով ինքնաթիռը։ Պայթյունի արդյունքները լուսանկարելու համար ռմբակոծիչը շարժվում էր 70 կիլոմետր հեռավորության վրա:

2020 թվականի օգոստոսի 6 -ին Հիրոսիմայում նշվեց ատոմային ռմբակոծության 75 -ամյակը: Համաճարակի համատեքստում՝ Հիրոսիմայի իրադարձությունների հիշատակին նվիրված արարողությունը անցկացվեց խտացված ձևով և հեռարձակվեց համացանցով: Միջոցառումներին ներկա էին Ճապոնիայի վարչապետ Սինձո Աբեն, Կազումի Մացուի քաղաքապետը և այլոք: