Ինձ շանտաժի են ենթարկում՝ զուգարանում նկարահանված էրոտիկ տեսանյութով․ Ալիևի նախկին օգնականը՝ սեքս-սկանդալի կենտրոնում
ՀասարակությունԱլիևի նախկին օգնական Ալի Հասանովը սեքս-սկանդալի կենտրոնում է հայտնվել։ Նա հայտարարել է, որ իրեն ենթարկել են շանտաժի: Նախկին բարձրաստիճան պաշտոնյայի հայտարարությունը օրեր առաջ հայտնվել էր Twitter-ի իր էջում:
«Ես ստանում եմ լուրջ շանտաժային հաղորդագրություններ որոշ հասցեներից: Նրանք սպառնում են տարածել իմ այն կադրերը, որոնք ժամանակին գաղտնի նկարահանվել են զուգարանում: Այս շրջանակները զինված են զանազան էրոտիկ տեսանյութերով: Սա մի մաֆիոզ ցանցի աշխատանք է, և նրանք ճիշտ ժամանակին կստանան իրենց պատիժը»,- գրել է Ալի Հասանովը:
Սկանդալային հրապարակումը արդեն հեռացվել է Ալի Հասանովի թվիթերյան էջից: Բայց նախկին պաշտոնյան, «Ամերիկայի ձայն» ռադիոկայանին տված հարցազրույցում, հաստատել է, որ ենթարկվել է շանտաժի:
«Ես դրա մասին գրել եմ Twitter- ում, և բոլոր կայքերը այն վերատպել են: Սրանով զբաղվում են համապատասխան կառույցները: Ես չեմ ուզում քննարկումը վերաբացել», - ասել է նա՝ խոստովանելով, որ չգիտի, թե ով է կանգնած սպառնալիքների հետևում:
Նախկին պաշտոնյան նաև ասել է, որ գաղափար չունի, թե որտեղ են նկարահանվել տեսագրությունները։ «Եթե ես իմանայի․․․: Նրանք ինձ ուղարկել են որոշ լուսանկարներ և դրանով ինձ շանտաժի են ենթարկում»,֊ասել է Հասանովը: