Հենց հիմա ջարդում ու վերացնում են ծառերը, կանաչ տարածքը․ ահազանգում են ֆիզգորոդոկից

Ֆիզիկայի գիտավանի բնակիչները ֆեյսբուքյան իրենց էջում ահազանգում են բազմաբնակարան շենքի կառուցման նպատակով կանաչ տարածքի վերացման մասին։

«Հենց հիմա «Ռատկո ՍՊԸ-ն» ջարդում ու վերացնում է ծառերը, կանաչ տարածքը ֆիզիկայի գիտավանում․ այն հատվածում, որի սեփականության օրինականությունը այս պահին քննվում է քրեական գործի շրջանակում, այն հատվածում, որը հանրային է եղել, զավթել է ապօրինաբար և պետք է վերադարձվի հանրությանը։ Պահանջում ենք կասեցնել աշխատանքները մինչև գործի քննության ավարտը: Անհապաղ», - գրել են բնակիչները՝ կից հրապարակելով տեսանյութ։