Վեց երեխաների մորը քննադատել են չափազանց անկեղծ հանդերձանքների համար (լուսանկարներ)

Վեց երեխաների մայրը հայտնիություն է ձեռք բերել սոցիալական ցանցերում ​​տեսանյութերի շնորհիվ, որոնցում նկարահանվում է անկեղծ հանդերձանքներով: TikTok-ում նրա հրապարակումները գրավել են The Sun-ի լրագրողների ուշադրությունը:

Մեծ Բրիտանիայի Հալ քաղաքից 42-ամյա Քլեր Բարատն իր օգտահաշվում պարբերաբար կիսվում է տեսանյութերով, որոնցում նա տնային գործեր է անում կամ պարում է վերնազգեստով, ջինսե տաբատով, բոդի զգեստներով և բիկինիով: Կնոջ հրապարակումների մեծ մասը հավաքում է հազարավոր դիտումներ, այս պահին նրա էջին բաժանորդագրվել է ավելի քան 700 հազար մարդ:

Բազմազավակ մոր խոսքով՝ ամեն օր տասնյակ օգտատերեր ամոթանք են տալիս իրեն չափազանց սադրիչ կերպարների և շարժումների համար: «Դուք շատ ծեր եք` Ձեզ այդպես պահելու համար», «Կարելի՞ է երեխաների ներկայությամբ այդպես քայլել» - օրինակներ է բերում Բարատը: Ի պատասխան քննադատությունների՝ բրիտանուհին լողազգեստ է հագել և այդ կերպարով հոլովակ նկարահանել՝ մակագրելով հրապարակումը հետևյալ բառերով. «Ինձ կներեք, բայց ես իմ բովանդակությունը կստեղծեմ այն ​​հագուստով, որով ցանկանում եմ: Ես 42 տարեկան եմ, ոչ թե 12»:

Բարատը կարծում է, որ այն հանդերձանքները, որոնք ընտրում է մարդը, չեն բնորոշում նրա անհատականությունը: «Քանի որ ես 40-ն անց եմ, չե՞մ կարող սեքսուալ լինել: Ինչո՞ւ: Իսկ գուցե բազմազավակ մայրերը չե՞ն կարող գեղեցիկ լինել: Իմ տարիքը երբեք ինձ չի կանգնեցնի », - եզրափակել է նա: