Ադրբեջանական զորքերը Իշխանասարի հատվածում հետ են քաշվել. համայնքի վարչական ղեկավար
Հասարակություն
Ադրբեջանական զորքերը Իշխանասարի հատվածում հետ են քաշվել։ Այս մասին ԼՈՒՐԵՐ.com-ի հետ զրույցում ասաց Իշխանասար համայնքի վարչական ղեկավար Մարատ Պետրոսյանը։ «Մեր հատվածից դուրս են եկել: Թե ցուրտ է խրամատներում են, թե հետ են գնացել՝ չեմ կարող ասել: Մեր տղաները տեսել են, որ չեն երևում: Չի բացառվում նաև, որ թաքնված լինեն»,- նշեց նա:
Ըստ Պետրոսյանի՝ ադրբեջանցիների հետ քաշվելը հնարավոր է պայմանավորված լինի նաև եռակողմ հանդիպումով. «Ավելի հստակ պատասխան կարող է տալ միայն Պաշտպանության նախարարությունը», - ասաց Իշխանասարի վարչական ղեկավարը:
Թե ի վերջո ո՞րն է պատճառը փորձեցինք պարզել ՊՆ-ից, սակայն այդպես էլ ոչ ոք չպատասխանեց մեր բազմաթիվ զանգերին:
Հիշեցնենք` ադրբեջանական զորքերն այս տարվա մայիս ամսի 12-ից Սյունիքի մարզի որոշ ուղղություններով առաջ էին եկել՝ զբաղեցնելով ՀՀ սուվերեն տարածքները:
Սոնա Հարությունյան
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
