Դիանա Գասպարյանի դուխով գործընկերները. քաղաքապետերի հրաժարականի պատճառները

Թավշյա հեղափոխության օրերին ամբիոնից Նիկոլ Փաշինյանը վստահեցնում էր, որ հեղափոխությունից հետո այն պաշտոնյաները, ովքեր սխալներ կգործեն կամ կունենան ցածր ՕԳԳ, անհապաղ կլքեն զբաղեցրած պաշտոնները: Ասել է թե, ի տարբերություն նախկինների` պաշտոններից կառչած չեն լինելու: Այդպե՞ս է, թե ոչ Նոր Հայաստանում, դատեք ինքներդ՝ ծանոթանալով այն առիթներին, որոնց պատճառով հրաժարական են տվել արտասահմանյան մի շարք քաղաքների քաղաքապետեր:

Դիցուք՝ Վլադիվոստոկի քաղաքապետ Օլեգ Գումենյուկը հրաժարականի դիմում ներկայացրեց՝ նահանգապետ Օլեգ Կոժեմյակոյի քննադատությունից և այն բանից հետո, երբ ՌԴ նախագահի ներկայացուցիչը տարածաշրջանում շրջեց քաղաքում և բազմաթիվ բացեր ու թերություններ արձանագրեց:

Հռոմի քաղաքապետ Իգնացիո Մարինոն հրաժարականի դիմում ներկայացրեց միայն այն պատճառով, որ պարզ էր դարձել՝ ռեստորանում նա ընթրել է բյուջեի հաշվին:

Տոկիոյի քաղաքապետ Յետի Մասուդզոյեն հրաժարական տվեց կոռուպցիոն սկանդալից հետո, երբ հայտնի դարձավ, որ վերջինս իր ընտանիքի հանգիստը կազմակերպել էր պետական բյուջեի հաշվին:

Օսլոյի քաղաքապետ Պեր Դիտլեվ Սիմոնսենը հրաժարական ներկայացրեց միայն այն բանի պատճառով, որ ժառանգություն ստանալուց հետո պետական բյուջե չէր վճարել անհրաժեշտ հարկը:

Իսկ այժմ գանք Հայաստան. Էջմիածնի քաղաքապետ Դիանա Գասպարյանը նշանակվելուց ի վեր հայտնվում է տարատեսակ պիկանտ պատմությունների կիզակետում, սակայն, ինչպես հասկանում ենք՝ նույնիսկ չի էլ մտածում պաշտոնը լքելու մասին: Համացանցում բուռն քննարկման առարկա էր դարձել նաև Դիանա Գրիգորյանի՝ տարիներ առաջ ֆեյսբուքյան գրառումը, որում նա կասկածի տակ էր դնում Աստծո գոյությունը: Իհարկե, հանրային որոշ շրջանակներում դիսոնանս էր առաջացել, թե ինչպես կարող է նման հայտարարության հեղինակը ղեկավարել հոգևոր մայրաքաղաքը: Եղան նաև դրվագներ, երբ քաղաքապետին մեղադրեցին ոչ կոմպետենտության մեջ: Մասնավորապես, քաղաքապետարանը հուլիսի 23-ից օգոստոսի 20-ը մանկապարտեզներում հայտարարել է արձակուրդ: Այսինքն, մոտ մեկ ամիս շարունակ աշխատող ծնողները ստիպված էին օրվա ընթացքում իրենք հոգալ երեխաների հոգսը: Իսկ թե ինչու է նման որոշում կայացվել` այդ մասին Դիանա Գասպարյանն ասել էր. «Հուլիսի 25-ից դարձյալ սաստիկ շոգ է սպասվում, մեր մանկապարտեզներից շատերն էլ, ցավոք, բավական անբարեկարգ վիճակում են, և նման պայմաններում երեխաների հաճախումը մանկապարտեզ կարող է վտանգավոր լինել նրանց առողջության համար»: Դրանից հետո շատերը մեղադրեցին քաղաքապետին՝ քաղաքի խնդիրները լուծելու փոխարեն, ձևական հոգատարություն դրսևորելու մեջ: Այս ընթացքում Էջմիածնում նաև ցույցեր կազմակերպվեցին քաղաքապետի դեմ, ինչը ինքը՝ Գրիգորյանը, համարեց բնականոն ու նորմալ գործընթաց:

Այս թեմայով Տիգրան Ավինյանի գլխավորած պատվիրակությունը մեկնել է Իտալիայի մայրաքաղաք Հռոմ Իշխանականները խաչն առանց համբուրելու դուրս եկան Էջմիածնից Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) «Ոչ էսօր ու ոչ ոտքի վրա». Տիգրան Ավինյանը կնոջ հետ ժամանեց Էջմիածին՝ մասնակցելու Տաճարի վերաօծմանը. տեսանյութ Մայր Աթոռ Ս. Էջմիածնում տեղի ունեցավ միջեկեղեցական պատվիրակությունների ու ներկայացուցիչների հանդիպում