Արտառոց դեպք՝ Երևանում. 32-ամյա տղամարդը Կոմիտասի պողոտայից գողացել էր աղբամանը

Ոստիկանության Արաբկիրի բաժնի հետաքննական բաժանմունքում նյութեր են նախապատրաստվում դեկտեմբերի 10-ին Երևանում տեղի ունեցած արտառոց դեպքի փաստով։

Այդ օրը ՀՀ ոստիկանության պարեկային ծառայության Երևանի գնդի պարեկները ծառայություն կատարելիս տեղեկություններ են ստացել, որ Opel մակնիշի ավտոմեքենայի վարորդը Կոմիտասի պողոտայի 56 հասցեի դիմաց դրված աղբամանը գողացել է։

Ինչպես հայտնում է Shamshyan.com-ը, պարեկները, համագործակցելով ոստիկանության Արաբկիրի բաժնի քրեական հետախուզության բաժանմունքի աշխատակիցների եհտ, տաք հետքերով պարզել են, որ գողությունը կատարել է Արմավիրի մարզի բնակիչ՝ 32-ամյա Ն. Ք-ն, ով աշխատում է որպես տաքսու վարորդ։

Արաբկիրի ոստիկանների կողմից կատարված բացատրական աշխատանքի արդյունքում Ն. Ք-ն ինքնակամ ներկայացել է ոստիկանություն, կատարվածի մասին բացատրություն է տվել, ապա բաց թողնվել։ 

Հայտնաբերվել է գողացված աղբամանը։