Մի մոռացեք, որ հայ եմ. Քարդաշյանը պատասխանել է մշակութային յուրացման վերաբերյալ քննադատությանը

Ամերիկահայ հեռուստաաստղ, գործարար Քիմ Քարդաշյանը պատասխանել է մշակութային յուրացման վերաբերյալ մեղադրանքներին:

Քիմի դեմ մեղադրանքները հնչել են այն բանից հետո, երբ նա հյուսել է մազերը։

i-D Magazine ամսագրի համար դրամատուրգ Ջերեմի Հարիսի հետ հարցազրույցում Քիմը խոստովանել է, որ իրեն սխալ են հասկացել։

«Ես երբեք միտումնավոր չէի փորձի այդ կերպ յուրացնել մշակույթը: Նախկինում մարդիկ բացասաբար արձագանքեցին, երբ հյուսել էի մազերս, և ես դա հասկանում եմ»,- ասել է նա։

Քարդաշյանը նշել է, որ դուստրը հաճախ է խնդրում հյուսել իր մազերը։ Հեռուստաաստղը շեշտել է, որ հյուսելն իր համար նորմալ է, քանի որ ինքը հայ է։

«Անկեղծ ասած՝ շատ դեպքերում դա տեղի է ունենում դստերս (8-ամյա Նորթի) պատճառով, որը խնդրում է նույնանման սանրվածքներ անել։ Եվ ես նրա հետ նմանատիպ խոսակցություններ եմ ունեցել․ «Հեյ, գուցե, այս սանրվածքը քեզ ավելի շատ սազի, քան ինձ: Բայց ես նաև ուզում եմ, որ նա զգա, որ ես կարող եմ նրա հետ միանման սանրվածք անել, եթե նա դա իսկապես ուզում է: Բայց նաև Հայաստանում կա մազերը հյուսելու պատմություն, և մարդիկ մոռանում են, որ ես նաև հայ եմ»,- բացատրել է Քարդաշյանը։

Այս թեմայով Քիմ Քարդաշյանը մտադիր է Բեյոնսեից ներողություն պահանջել Քիմ Քարդաշյանը երեխաների հետ լուսանկարներ է հրապարակել Քիմ Քարդաշյանը երեխաների հետ լուսանկարներ է հրապարակել Քիմ Քարդաշյանը լուսանկարվել է Մադրիդի Ռեալի նախագահ Ֆլորենտինո Պերեսի հետ Քայլին դարձել է բրիտանական Vogue-ի շապիկը զարդարած Քարդաշյան-Ջեններ ընտանիքի միակ անդամը