Գերմանացի արիստոկրատը ժառանգ չունենալու պատճառով որդեգրել է չափահաս տղամարդու

Գերմանական արիստոկրատական ​​դինաստիայի ներկայացուցիչ Ֆրեդերիկ Պրինց վոն Անգալտը 78 տարեկանում որդեգրել է իր ընկերոջ չափահաս որդուն, որպեսզի նա ժառանգի իր ազգանունը։ Այս մասին հայտնում է New York Post-ը։

Ֆրեդերիկ Պրինց վոն Անգալտը, որը հայտնի է որպես կինոաստղ Ժա Ժա Գաբորի իններորդ և վերջին ամուսին, պատմել է իր պատմությունը A&E հեռուստաալիքով ցուցադրված «Մեծահասակները որդեգրում են մեծահասակներին» վավերագրական ֆիլմաշարում, որտեղ խոստովանել է, որ ժառանգ է փնտրում, այդ թվում՝ սոցիալական ցանցերում։

«Ես դա արեցի հեռուստատեսությամբ, որպեսզի միայնակ մարդկանց ցույց տամ, որ նրանք պետք չէ մենակ մնան», - ասել է արիստոկրատը,- Դուք կարող եք մեծահասակ որդեգրել, ով կօգնի ձեզ առաջին իսկ օրվանից: Պետք չէ նրան մանկուց դաստիարակել։

Չնայած այն հանգամանքին, որ վավերագրական ֆիլմում ցուցադրվում է ժառանգորդի փնտրտուքի գործընթացը, նա արդեն գտնվել է. Լոս Անջելեսում բնակվող Ֆրեդերիկ Պրինց ֆոն Անգալտը որդեգրել է իր ընկերոջ որդուն՝ 27-ամյա Քևին Ֆիխտին, որին ճանաչում է երկար տարիներ: Երիտասարդը ծնվել է Գերմանիայում և սովորել Սանտա Բարբարայի համալսարանում։

«Ես եկել եմ Լոս Անջելես շաբաթավերջին: Հայրս Ֆրեդերիկի ընկերն է, և նա առաջարկել է մնալ իր տանը։ Ֆրեդերիկը և ես պայմանավորվեցինք, որ եթե ես օգնեմ, կերակուր պատրաստեմ, օգնեմ նրան աշխատել համակարգչով, համոզվեմ, որ հաշիվները վճարված են, կարող եմ մնալ», - ասել է Ֆիխտը:

Ինչպես ինքը` Ֆրեդերիկ Պրինց ֆոն Անգալտն է վստահեցնում, որդեգրմանը դեմ չէին տղամարդու ծնողները։

«Ես ու նրա հայրը դեռ ընկերներ ենք։ Նրա հայրն ու մայրը դեմ չեն»,- ասել է նա և ավելացրել, որ Քևին Ֆիխտն ունի ավագ քույր, ով կարող է հոգ տանել իր ծնողների մասին։

Ինքը՝ Ֆրեդերիկ Պրինց ֆոն Անգալտը, նույնպես չափահաս տաիրքում է որդեգրվել. 36 տարեկանում նա դարձել է Անգալտի արքայադուստր Մարիա Ավգուստայի որդեգրված որդին։ Նա ծնվել է Ռոբերտ Լիխտենբերգ անունով ոստիկանի ընտանիքում և դարձել արքայադստեր պաշտոնական ժառանգորդը նրա կենսաբանական որդու՝ Կառլ Ֆրանցի՝ գերմանացի վերջին կայսր Վիլհելմ II-ի թոռան մահից հետո։

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար)