Կիմ Չեն Ընը երկար բացակայությունից հետո կնոջ հետ ներկայացել է հանրության առաջ (տեսանյութ)
Տեսանյութեր
Հյուսիսային Կորեայի առաջնորդ Կիմ Չեն Ընը հանրության առաջ հայտնվել է կնոջ՝ Լի Սոլ Չժուի ուղեկցությամբ, հայտնում է Daily Mail-ը։ Քաղաքական գործիչն իր կնոջ հետ ներկայացել է լուսնային օրացույցով նշվող Նոր տարվան նվիրված ներկայացմանը:
Վերջին անգամ Կիմ Չեն Ընի կինը հանրության առաջ է հայտնվել Հյուսիսային Կորեայի հիմնադրման տարեդարձի օրը՝ սեպտեմբերի 9-ին՝ ամուսնու հետ այցելելով Արևի պալատ, որտեղ ամփոփված են Կիմ Իր Սենի և Կիմ Չեն Իրի մարմինները։
Լրատվամիջոցների տեղեկություններով՝ Փհենյանում տոնական համերգ է տեղի ունեցել, իսկ ԿԺԴՀ-ի առաջնորդի՝ կնոջ հետ հայտնվելը բուռն ծափահարություններ է առաջացրել։
«Երբ Կիմը հայտնվեց թատրոնի դահլիճում իր կնոջ՝ Լի Սոլ Չժուի հետ, հանդիսատեսը ուրախացավ», - հաղորդում է Կորեայի կենտրոնական լրատվական գործակալությունը:
Ելույթներից հետո ԿԺԴՀ-ի առաջնորդը կնոջ հետ միասին ոգեկոչման լուսանկարներ է արել ստեղծագործական խմբերի հետ և բուռն ծափահարությունների ներքո լքել միջոցառումը։
«Համերգի ընթացքում արտիստները կատարեցին երգեր և պարեր, որոնք ցույց տվեցին Հյուսիսային Կորեայի ժողովրդի միասնությունը և սոցիալիզմ կառուցելու նրանց նվիրվածությունը, որին կնախանձեր ամբողջ աշխարհը», - ասվում է հայտարարության մեջ:
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
