Կինը iPhone 13 է պատվիրել և տուփի մեջ օճառ հայտնաբերել

Լոնդոնի բնակչուհին ցնցվել է այն բանից հետո, երբ վճարել է մեկուկես հազար ֆունտ նոր iPhone 13 Max Pro-ի համար, որը պատվիրել է առցանց, և ստացած ծանրոցում գտել ձեռքի օճառ։ Այս մասին հայտնում է The Sun-ը։

32-ամյա Հաուլա Լաֆհեյլին Sky Mobile-ի վեբկայքից գնել է բջջային  հեռախոս: Նա 150 ֆունտ ստեռլինգ կանխավճար է կատարել և 36 ամսով պայմանագիր կնքել, որը նրա վրա արժեցել է 1,5 հազար ֆունտ:

DPD առաքման ծառայությունը պետք է փաթեթը հասցներ նրա տուն, սակայն վարորդը զանգահարել է նրան և ասել, որ խցանման մեջ է։ Հաջորդ օրը վարորդը վերադարձել է, բայց այս անգամ միայն նկարել է անգլիուհու տան մուտքի դուռը ու հեռացել։ Երրորդ օրը փաթեթը վերջապես հասցվել է, բայց ի զարմանս կնոջ, նա տուփի մեջ գտել է միայն ձեռքի օճառի շիշ։

Լաֆհեյլին զանգահարել է Sky Mobile: Ընկերությունից նրան ասել են, որ իրենք դեպքի հետաքննություն են սկսել։ Բայց դրանից մեկ շաբաթից ավելի է անցել, և կինը դեռ ոչ հեռախոս ունի, ոչ էլ պատասխան` կատարվածի մասին։

«Մենք ապրում ենք առաջին հարկի բնակարանում, ուստի ստիպված ենք հետևել, որ առաքիչը չսխալվի։ Տեսանք, թե ինչպես վարորդը կանգ առավ մեր տան մոտ, նկարեց այն ու հեռացավ»,- ասել է անգլիուհին։ Ինքը՝ վարորդն ասել է, որ մոտեցել է դռանը, թակել է, ոչ ոք չի բացել։ Այսպիսով, նա ստիպված է եղել վերադառնալ հաջորդ օրը: Կինը պնդում է, որ այս ամբողջ ընթացքում պատուհանից դուրս է նայել, իսկ վարորդի խոսքերը սուտ են։

«Մեր մոտ մեկ այլ առաքիչ եկավ, և ամուսինս առավոտյան 8:50-ին դուրս եկավ փաթեթը վերցնելու: Մենք այն բացեցինք կեսօրին մոտ, քանի որ մինչ այդ ես քնած էի, և ներսում ձեռքերի օճառ գտանք։ Պատկերացնու՞մ եք»,- ասել է նա:

Կինը շեշտել է, որ ցնցված է նման գտածոյից, և դեռ նոր հեռախոսի կարիք ունի։ «Ըստ երեւույթին գողացել են։ Դա սարսափելի է»,- ասել է Լաֆհեյլին։

Sky Mobile-ը և DPD-ն չեն արձագանքել լրագրողների` մեկնաբանություն տալու խնդրանքներին:

Այս թեմայով ՊԵԿ-ը հորդորում է ՀՀ ժամանող քաղաքացիներին տեղափոխել միայն իրենց կողմից ձեռքբերված և իրենց պատկանող նոր iPhone 16 Caviar-ը ներկայացրել 193 140 դոլար արժեքով iPhone 16-ը՝ հետին վահանակին Rolex Cosmograph Daytona ժամացույցով Caviar-ը ներկայացրել 193 140 դոլար արժեքով iPhone 16-ը՝ հետին վահանակին Rolex Cosmograph Daytona ժամացույցով Caviar-ը ներկայացրել 193 140 դոլար արժեքով iPhone 16-ը՝ հետին վահանակին Rolex Cosmograph Daytona ժամացույցով Հայտնի են iPhone 16 Pro Max-ի գինն ու բնութագրերը