Քահանան նվիրատվությունները ծախսել է ադամանդների ու խնջույքների վրա և հայտնվել բանտում

Իտալիայում Պոնտասերչիո գյուղի նախկին քահանան գումար է շորթել նախկին եպիսկոպոսից, եկեղեցական նվիրատվությունները ծախսել խնջույքների, մարմնավաճառների և ադամանդների վրա և ազատազրկվել յոթուկես տարով։ Այս մասին հայտնում է BBC News-ը։

Վատիկանը պաշտոնանկ է արել Լուկա Մորինիին իր անվան հետ կապված մի շարք սկանդալների պատճառով: Իտալիայի Մասսա Կարարա նահանգի նախկին եպիսկոպոս Ջովանի Սանտուչին մեղադրել է Մորինիին շանտաժի և շորթման մեջ. նախկին քահանան իբր Սանտուչիից պահանջել է պարտքով գումար տալ իրեն և տուն գնել 200 հազար եվրոյով :

Եկեղեցու ծխականները Լուկա Մորինիին «Դոն Եվրո» մականունն են տվել, քանի որ նա հորդորել է մեծ գումարներ նվիրաբերել եկեղեցու կարիքների համար։ Ավելին, քահանան օգտագործել է ամեն հնարավորություն և մեկ անգամ չէ, որ խոստովանությունների ժամանակ գումարների հավաքագրում է կազմակերպել։ Այս գումարը Մորինին ծախսել է զվարճությունների վրա՝ վճարել է տղամարդ մարմնավաճառի ծառայությունների համար, գնել ադամանդներ, հանգստացել և այցելել սվինգերների ակումբներ։

Նախկին քահանային ծառայություններ մատուցած սեքս-աշխատողներից մեկը հայտնել է, որ նա ներկայացել է որպես դատավոր։

Չորեքշաբթի օրը՝ փետրվարի 2-ին, դատարանը Մորինիին դատապարտել է յոթուկես տարվա ազատազրկման և պարտավորեցրել փոխհատուցում վճարել չորս սեքս-աշխատողների՝ 14 հազար եվրոյի չափով։ Դատախազները խնդրել են ութուկես տարվա ազատազրկում, սակայն նախկին քահանայի փաստաբանները հայտնել են, որ նա տառապում է հոգեկան հիվանդությամբ, և պատիժը կրճատվել է:

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար)