Փեսայի քույրը տոնակատարությանը ներկայացել է հարսանյաց զգեստով և բարկացրել հարսին
ԱյլՓեսայի քույրը հարսանեկան արարողությանը ներկայացել է հին հարսանյաց զգեստով և զայրացրել հարսին: Reddit-ում հայտնված պատմությունը գրավել է The Sun-ի ուշադրությունը։
Հրապարակման հեղինակն ասել է, որ չի հասցրել հանդերձանք գնել եղբոր տոնակատարության համար, քանի որ շատ է աշխատելիս եղել։ Այդ իսկ պատճառով բարեկամուհին որոշել է տոնին հագնել սպիտակ հարսանյաց զգեստ` գնված սեփական հարսանիքի համար, որը հետագայում ստիպված է եղել չեղարկել։
Նյութի հերոսուհին ընդգծել է, որ հարսն ու փեսան հավանություն են տվել իր կերպարին՝ ասելով, որ շատ հյուրեր պատրաստվում են իրենց հարսանիքին մասնակցել սպիտակ հագուստով։ «Շատ հյուրեր ինձ հաճոյախոսություններ արեցին, ես նույնիսկ հաղթեցի լավագույն տոնական հագուստի մրցույթում», - ասել է աղջիկը:
Սակայն, ինչպես նշում է օգտատերը, արարողությունից հետո եղբայրն իր հետ մեկ շաբաթ չի խոսել։ Շուտով պարզ է դարձել, որ նրա կինը դժգոհություն է հայտնել, որ աղջիկը հարսանիքի է եկել հարսանեկան զգեստով։ Նա համարել է, որ այդ կերպ ամուսնու քույրը փչացրել է իր հարսանիքը։
Օգատատերերն աջակցել են հեղինակին նրա գրառման տակ գտնվող մեկնաբանություններում: «Դուք իրավացի եք, քանի որ նախապես ստացել եք նրանց հավանությունը», «Հարսն ուղղակի նախանձում է, որ հյուրերը հիացել են ձեզանով», «Խոսքեր չունեմ, չէ՞ որ թույլտվություն եք խնդրել», «Նրանք իրենց տարօրինակ են պահում», «Քո եղբոր կինը խանդոտ ապուշ է»,- գրել են նրանք։