Լոռիում 32–ամյա վարորդը «Mercedes»-ով բախվել է քարերին և գլխիվայր հայտնվել դաշտում

Փետրվարի 5-ին խոշոր ավտովթար է տեղի ունեցել Լոռու մարզում: Ժամը 23:30-ի սահմանում Տաշիր քաղաքի բնակիչ, 32-ամյա Նորիկ Մ.-ն իր վարած  «Mercedes» մակնիշի ավտոմեքենայով Տաշիր-Ստեփանավան ավտոճանապարհի 5-րդ կմ հատվածում դուրս է եկել ճանապարհի երթևեկելի գոտուց, բախվել քարերին և գլխիվայր շրջվելով, հայտնվել դաշտում, գրում է shamshyan.com-ը:

Ըստ աղբյուրի՝ վթարի հետևանքով Նորիկ Մ.-ն և նրա ուղևոր, 19-ամյա Հեղինե Մ.-ն մարմնական վնասվածքներով տեղափոխվել են «Ստեփանավան» բժշկական կենտրոն:

Դեպքի փաստով նյութեր են նախապատրաստվում:

Աղբյուրը հայտնում է, որ Հեղինե Մ.-ի վիճակը բժիշկները գնահատում են ծայրահեղ ծանր և քննարկվում է՝ նրան Երևանի  հիվանդանոցներից մեկը տեղափոխելու հարցը: