Առինջի կամարի մոտ բախվել են 42-ամյա վարորդների «Ford»-ն ու «Mercedes»-ը

Փետրվարի 6-ին ավտովթար է տեղի ունեցել Երևանում: Այս մասին հայտնում է SHAMSHYAN.com-ը: Ժամը 18:15-ի սահմանում Աճառյան փողոցում՝ Առինջի կամարի հարևանությամբ, բախվել են Երևանի բնակիչ, 42-ամյա Կարեն Պողոսյանի վարած, ռուսական համարանիշներով Mercedes GL-350 մակնիշի և Կոտայքի մարզի բնակիչ, 42-ամյա Աննա Գասպարյանի վարած Ford մակնիշի ավտոմեքենաները: Վթարի հետևանքով, ըստ նախնական տեղեկությունների, բարեբախտաբար, տուժածներ չկան: Վարորդները տեղում ենթարկվել են սթափության փորձաքննության, պարզվել է, որ Կ. Պողոսյանը եղել է խմածության ամենաբարձր աստիճանի: