Կինը պատահաբար երեխաներ է լույս աշխարհ բերել եղբորից
ԱյլՌուանդայի բնակչուհին պատահաբար երեխաներ է լույս աշխարհ բերել սեփական եղբորից, և երբ իմացել է ճշմարտությունը, լքել է նրան։ Այս մասին հայտնում է քենիական Tuko հրատարակությունը։
44-ամյա Մուկանդամաժ Դոմիտիլան ասում է, որ մայրը մահացել է իր ծնվելուց մեկ տարի անց: Մի քանի տարի հետո էլ նա կորցրել է նաև հորը, այդ պատճառով ընտանիքի հարազատները դաստիարակության համար բաժանել են զույգի երեխաներին։ Ռուանդացի կնոջ ընտանիքը նրան ասել էր, որ եղբայր ունի, սակայն նա ընդհանրապես չէր հիշում նրան։
Երկար տարիներ անց կինը դարձավ տնտեսուհի, և մի օր աշխատանքն ավարտելուց հետո մայրաքաղաքում հանդիպեց մի տղամարդու։ Երիտասարդներն արագ ընդհանուր լեզու գտան ու շուտով սիրահարվեցին միմյանց։ Նրանք սկսեցին միասին ապրել, և հարաբերությունների ողջ ընթացքում նրանք երեք երեխա ունեցան։
Զույգի երջանիկ կյանքը փչացրել է հարազատներից ստացած լուրը: Պարզվել է, որ Դոմիտիլան և նրա սիրելին քույր ու եղբայր են։ Այս լուրը մեծապես ազդել է աֆրիկացի կնոջ կյանքի վրա՝ նա փակվել է տանը և նույնիսկ դադարել է դուրս գալ ջուր խմելու համար։ Դոմիտիլայի խոսքով՝ մարդիկ ծաղրել են իր երեխաներին և հիշեցրել, որ նրանք ծնվել են ինցեստի արդյունքում։ Ուստի նա որոշել է թողնել ամուսնուն։
Այդ ժամանակից անցել է հինգ տարի, և տղամարդը երբեք չի կապվել իր նախկին սիրելիի ու նրա երեխաների հետ։ Աֆրիկացի կինն ապրում է կիսաքանդ տանը, և նրա երկու երեխաները տառապում են հիվանդություններից։ Դոմիտիլան դիմել է հոգատար մարդկանց՝ օգնություն խնդրելով տուն կառուցելու և երեխաներին բուժելու համար։