Ազգային ժողովում մեկնարկել է հերթական նիստը․ օրակարգում է 16 հարց

Ազգային ժողովում մեկնարկել է երրորդ նստաշրջանի հերթական նիստը, փետրվարի 8-ին գումարվող նիստերի օրակարգում ընդգրկվել են պարտադիր քննարկման 16 հարցեր։

Ազգային ժողովը երկրորդ ընթերցմամբ կքննարկի «Հանրակրթության մասին» օրենքում փոփոխություններ եւ լրացումներ կատարելու մասին, «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում լրացումներ կատարելու մասին,  «Հայաստանի Հանրապետության դատական օրենսգիրք» սահմանադրական օրենքում փոփոխություններ եւ լրացումներ կատարելու մասին նախագծերը։

Նիստի օրակարգում են նաև «Ավտոմոբիլային տրանսպորտի մասին» Հայաստանի Հանրապետության օրենքում փոփոխություն եւ լրացումներ կատարելու մասին, «Բնակչության բժշկական օգնության եւ սպասարկման մասին» օրենքում փոփոխություններ եւ լրացում կատարելու մասին և Հայաստանի Հանրապետության հարկային օրենսգրքում փոփոխություններ եւ լրացումներ կատարելու մասին նախագծերը։

Ազգային ժողովը նաև կքննարկի Պետական գույքի մասնավորեցման 2017-2020 թվականների ծրագրի կատարման 2020 թվականի տարեկան հաշվետվությունը։