Սերբիայի նախագահ Վուչիչը հայտարարել է, որ երկիրը չի անդամակցի ՆԱՏՕ-ին
Աշխարհ
Սերբիայի նախագահ Ալեքսանդր Վուչիչը Բուսիե գյուղում նախընտրական հանրահավաքի ժամանակ հայտարարել է, որ երկիրը չի անդամակցի ՆԱՏՕ-ին 1999 թվականին դաշինքի ռմբակոծության պատճառով, գրում է ՌԻԱ Նովոստին։
Որպես իշխող Սերբական առաջադիմական կուսակցության ղեկավար՝ Վուչիչը ելույթով դիմել է իր քաղաքական հակառակորդներին, ովքեր կողմ են դաշինքին միանալուն։
«Եվ իմ պատասխանն է նրանց, որ մենք չպետք է անդամակցենք ՆԱՏՕ-ին, քանի որ մենք ունենք մեր սեփական բանակը, որը պաշտպանում է մեր երկիրն ու երկինքը: Այստեղից ոչ հեռու նրանք սպանել են Միլիցա Ռակիչին (2,5 տարեկան աղջիկ, ով մահացել է ռմբակոծությունից): Շուտով մենք կնշենք ագրեսիայի տարելիցը և չենք վարանի և դա կանվանենք ագրեսիա, ոչ թե միջամտություն կամ արշավ»,- ասել է պետության ղեկավարը։
Նրա խոսքով՝ ժամանակակից իրողություններում շատ կարեւոր է գոյություն ունեցող աշխարհակարգի կայունությունը։
«Շատ կարևոր է պահպանել խաղաղությունն ու կայունությունը։ Քաղաքական ճնշումների մասին էլ չեմ խոսի, գիտեմ, որ դուք էլ եք դա զգում։ Հիմա հիստերիան տիրում է ամբողջ աշխարհում, բայց Սերբիան երբեք չի արգելի Չայկովսկուն»,- ասել է Վուչիչը։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
