Եվրամիությունը հրաժարվել է ռազմական ճանապարհով միջամտել Ուկրաինայի իրավիճակին
Աշխարհ
Եվրոպական հանձնաժողովի փոխնախագահ, Եվրոպական միության արտաքին գործերի և անվտանգության քաղաքականության հարցերով Բարձր ներկայացուցիչ Ժոզեպ Բորելը հայտարարել է, որ Եվրամիությունը հրաժարվում է ուկրաինական իրավիճակին ռազմական միջամտությունից, սակայն կուժեղացնի պատժամիջոցների ճնշումը Ռուսաստանի վրա, որպեսզի «վնաս հասցնի տնտեսությանը»: Նրա խոսքերը մեջբերում է ՌԻԱ Նովոստին՝ հղում անելով CNN Türk-ին։
«Իհարկե, մենք ռազմական ճանապարհով չենք միջամտելու իրավիճակին։ Մենք չենք ցանկանում, որ պատերազմը տարածվի, բայց մենք պետք է աջակցենք նրանց (Ուկրաինա - խմբ.): Մենք պետք է վնասենք նրանց (Ռուսաստանին - խմբ.) տնտեսությանը, որպեսզի նրանք չկարողանան շարունակել պատերազմը», - ասել է եվրոպական դիվանագիտության ղեկավարը։
Բորելը հավելել է, որ ներկայումս դժվար հավասարակշռություն է որոնվում, մի կողմից Եվրամիությունը փորձում է աջակցել Ուկրաինային, մյուս կողմից՝ կանխել մեծ պատերազմը։
Եվրոպական դիվանագիտության ղեկավարը կարծում է, որ լուրջ մտահոգություններ կան Ռուսաստանի ռազմական գործողությունների ընդլայնման առնչությամբ, օրինակ՝ ՆԱՏՕ-ի այս կամ այն երկրի դեմ։ Նա եզրակացրել է, որ պետք է Ռուսաստանին «մեկուսացնել միջազգային հանրությունից»՝ աջակցելով Կիևին։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
