PayPal-ը մարտի 18-ից կարգելափակի ռուսաստանցիների էլեկտրոնային դրամապանակները

Միջազգային PayPal վճարային համակարգը, որը ամսվա սկզբին հայտարարեց Ռուսաստանում աշխատանքի դադարեցման մասին, մարտի 18-ին կարգելափակի ռուսաստանցիների բոլոր էլեկտրոնային դրամապանակները։ Այս մասին տեղեկանում ենք Spletnik.ru լրատվականից։

«Վերջին իրադարձությունների պատճառով մենք որոշել ենք դադարեցնել մեր ծառայությունները Ռուսաստանում վճարումներ ուղարկելու և ստանալու համար:  Ներկայումս մենք պահպանում ենք դուրսբերման գործառույթը:  Ծառայության հետագա հնարավոր խափանումները նվազագույնի հասցնելու համար խնդրում ենք ձեզ հանել մնացորդը ձեր հաշվից մինչև 2022 թվականի մարտի 18-ը,» -ասվում է ծառայության կայքում։