ՄԱԿ-ի գլխավոր քարտուղարը հնարավոր է համարում միջուկային հակամարտության հեռանկարը

ՄԱԿ-ի գլխավոր քարտուղար Անտոնիո Գուտերեշը գնահատել է աշխարհում միջուկային հակամարտության հեռանկարը։ Այս մասին հայտնում է ՏԱՍՍ-ը։

Նրա խոսքով՝ միջուկային հակամարտության հեռանկարը «վերադարձել է հնարավորի տիրույթ»։

Գլխավոր քարտուղարը նաև կոչ է արել պահպանել միջուկային օբյեկտների անվտանգությունը։

Ավելի վաղ ՌԴ ԱԳ նախարար Սերգեյ Լավրովը, մեկնաբանելով ԱՄՆ նախագահ Ջո Բայդենի հայտարարությունը հակառուսական պատժամիջոցների այլընտրանքների մասին, ասել էր, որ երրորդ համաշխարհային պատերազմը կարող է լինել միայն միջուկային։

Մինչ այդ ամերիկացի առաջնորդը «երրորդ համաշխարհային պատերազմն» անվանել էր Ռուսաստանի դեմ պատժամիջոցների այլընտրանք։