ԵԽԽՎ-ն դադարեցրել է ռուսական պատվիրակության աշխատանքը վեհաժողովում

Եվրոպայի խորհրդի Խորհրդարանական վեհաժողովը (ԵԽԽՎ) ծանուցել է վեհաժողովում Ռուսաստանի պատվիրակության աշխատանքները դադարեցնելու մասին։ Այդ մասին մարտի 14-ին հայտարարել է ռուսական պատվիրակության անդամ, սենատոր Վլադիմիր Կրուգլին։

«ԵԽԽՎ-ն վեհաժողովին Ռուսաստանի անդամակցությունը դադարեցնելու մասին ռուսական պատվիրակությանը ծանուցել է Եվրոպայի խորհրդի Նախարարների կոմիտեի որոշումից անմիջապես հետո»,- քաղաքական գործչին է մեջբերում ՌԻԱ Նովոստին։

Փետրվարի 25-ին Պետդումայի պատգամավոր և ԵԽԽՎ-ում Ռուսաստանի պատվիրակության ղեկավար Պյոտր Տոլստոյը հայտարարեց, որ ԵԽ Նախարարների կոմիտեն հրաժարվել է Ռուսաստանի հետ համագործակցությունից։ Տոլստոյը քննադատեց այս որոշումը՝ նշելով, որ առանց Ռուսաստանի ոչ մի խորհուրդ իմաստ չի ունենա, քանի որ այն ամենամեծ երկիրն է։

Ծանուցումն ուղարկվել է Դաշնության խորհուրդ և Պետական դ​ումա։

Մարտի 3-ին Ժնևում Ռուսաստանի մշտական ​​ներկայացուցիչ Գենադի Գատիլովը հայտարարել է, որ ՄԱԿ-ի աջակցությամբ արևմտյան երկրները մտադիր են նվազեցնել Ռուսաստանի ներկայությունը միջազգային ասպարեզում։ Նպատակներին հասնելու համար օգտագործում են ոչ միայն ՄԱԿ-ի Մարդու իրավունքների խորհուրդն ու զինաթափման խորհրդաժողովը, այլև Եվրոպայի տնտեսական հանձնաժողովը:

Նույն օրը ԱՄՆ-ն ընդունել է Ռուսաստանին ՄԱԿ-ի Անվտանգության խորհրդից բացառելու անհնարինությունը։