Յանուկովիչը հայտարարել է, որ Զելենսկուն ուկրաինական ճգնաժամը լուծելու միջոց է առաջարկել

Ուկրաինայի նախկին նախագահ Վիկտոր Յանուկովիչը ՌԻԱ Նովոստիին ասել է, որ երկրի ներկայիս ղեկավար Վլադիմիր Զելենսկուն առաջարկել է երկրում ճգնաժամը կարգավորելու ծրագիր։

Յանուկովիչը բացատրել է, որ իր թիմը մի շարք հանդիպումների ընթացքում աշխատել է Զելենսկու շրջապատի հետ՝ ստեղծված իրավիճակի լուծումը ձևակերպելու համար և արդյունքում առաջարկել է տարածաշրջանում զինադադարի «մանրամասն, քայլ առ քայլ» ծրագիր։

«Արդյունքը Ուկրաինայի և Դոնբասի միջև խաղաղության համաձայնագրի ստորագրումն է, Դոնբասի վերականգնման միջազգային հիմնադրամի ստեղծումը։ Դոնբասի վերաինտեգրումը (քաղաքական, տնտեսական, սոցիալական) Ուկրաինային»,- ասել է Յանուկովիչը՝ հավելելով, որ նման նախագիծը կներառի ԱՄՆ-ի և Ռուսաստանի անվտանգության երաշխիքների ստորագրումը։

Նա բացատրել է, որ նախագիծը հանձնվել է Զելենսկուն` «ծանոթանալու և ուսումնասիրելու համար», բայց ի վերջո նրա կողմից համաձայնություն չի հետևել։

«Պայմանավորվեցինք, որ ուսումնասիրելուց հետո մեզ պատասխան կտրվի։ Պատասխանը շատ շուտ եկավ՝ «մեզ չի հետաքրքրում»»,- հավելել է Ուկրաինայի նախկին ղեկավարը։