Կլիչկոն պարետային ժամ է հայտարարել Կիևում

Կիևում պարետային ժամը կգործի այս գիշերվանից մինչև մարտի 17-ի առավոտ։ Այս մասին հայտնում է ռուսական «Ntv.ru» լրատվականը։

 

Այս մասին այսօր հայտարարել է Ուկրաինայի մայրաքաղաքի քաղաքապետ Վիտալի Կլիչկոն։ Մարտի 15-ի ժամը 20:00-ից մինչև մարտի 17-ը ժամը 07:00-ն Կիևի բնակիչները չեն կարողանա քաղաքում տեղաշարժվել առանց հատուկ անցումների:

Կլիչկոն հորդորեց քաղաքաբնակներին պատրաստ լինել երկու օր անցկացնել տանը և թաքնվել ապաստարաններում՝ ահազանգի դեպքում:

 

Նշենք, որ ավելի վաղ Կլիչկոն հայտնել էր, որ բնակիչների կեսն արդեն լքել է Կիևը՝ ռազմական գործողությունների պատճառով։ Նրա խոսքով՝ քաղաքում մնացել է 2 միլիոնից պակաս մարդ։