ԱՀԿ ղեկավարը նշել է, թե որտեղ է աշխարհի ամենամեծ հումանիտար աղետը

Առողջապահության համաշխարհային կազմակերպության (ԱՀԿ) ղեկավար դոկտոր Թեդրոս Հեբրեյեսուսը հայտարարել է, որ այս պահին աշխարհում ամենամեծ հումանիտար ճգնաժամը Եթովպիայի Տիգրայ շրջանում է։ Այս մասին հայտնում է The Guardian-ը։

Նրա խոսքով՝ Աֆրիկյան եղջյուրում հումանիտար աղետի մասշտաբները զգալիորեն գերազանցում են բոլոր մյուսներին։

Հեբրեյեսուսը նշել է, որ «Երկրի վրա ոչ մի տեղ» մարդիկ այնքան մեծ վտանգի տակ չեն, որքան Եթովպիայի հյուսիսում գտնվող մեկուսի շրջանում:

Հրատարակությունը նշում է, որ չնայած ճգնաժամի աղետալի բնույթին, Տիգրայում իրավիճակը հաճախ անտեսվում է ԶԼՄ-ների և միջազգային կազմակերպությունների կողմից, և Եթովպիայի կառավարությունը միջամտում է տարածաշրջանի բնակիչներին օգնություն տրամադրելուն։ Ինքը՝ Հեբրեյեսուսը, քննադատության է ենթարկվել Եթովպիայի կառավարության կողմից։

Կառավարական ուժերի և Տիգրայ նահանգի ապստամբների միջև հակամարտությունը շարունակվում է ավելի քան մեկ տարի, իշխանությունները փորձել են տեղական իշխանություններին դուրս մղել նահանգից՝ անհնազանդության համար։ Միևնույն ժամանակ, առճակատման մեկնարկի հետևում կանգնած է Եթովպիայի վարչապետ Աբի Ահմեդը, որը, ըստ նախնական տվյալների, հանգեցրել է հազարավոր մարդկանց մահվան, թեև 2019 թվականին Եթովպիայի վարչապետին շնորհվել է Խաղաղության Նոբելյան մրցանակ՝  հարեւան Էրիթրեայի հետ գրեթե 20 տարվա հակամարտությունը դադարեցնելու համար: