Youtube-ը կարող է արգելափակվել ՌԴ-ում

Ռուսաստանում նշել են YouTube վիդեոհոսթինգի հնարավոր արգելափակման ժամկետը: Մոտ օրերս ծառայության հասանելիությունը կարող է սահմանափակվել, հայտնում է «ՌԻԱ Նովոստին»։

Ռոսկոմնադզորին մոտ կանգնած աղբյուրը հայտնել է, որ YouTube-ը Ռուսաստանում կարող է արգելափակվել մինչև հաջորդ շաբաթվա վերջ։ Միաժամանակ նա չի բացառել, որ ծառայության հասանելիությունը կարող է սկսվել սահմանափակվել ուրբաթ օրը՝ մարտի 18-ին։

Զրուցակիցը նաև ասել է, որ վիդեոհոսթինգը պետք է արգելափակվեր նախորդ շաբաթ, սակայն Meta-ի շուրջ ստեղծված իրավիճակի պատճառով արգելափակումը հետաձգվել է։