Պուտինն ԱԽ նիստում քննարկել է «հատուկ գործողությունները» Ուկրաինայում. Կրեմլ

Ռուսաստանի նախագահ Վլադիմիր Պուտինը ուրբաթ օրը Անվտանգության խորհրդի նիստում քննարկել է ռուսական զինուժի «հատուկ գործողությունները» Ուկրաինայում, այս մասին ասվում է Կրեմլի կայքում։

Ի տարբերություն խորհրդի նախորդ նիստերի` այսօրվա հեռավար նիստը հեռուստատեսությամբ չի ցուցադրվել։

«Հանդիպմանը քննարկվել է ներկա միջազգային իրադրությունը։ Նախագահը մանրամասնորեն տեղեկացրել է մասնակիցներին իր բազմաթիվ միջազգային հեռախոսազանգերի մասին»,- փոխանցում է Կրեմլի մամլո ծառայությունը։