Բայդենը Սի Ցզինպինին նախազգուշացրել է ՌԴ-ին աջակցելու դեպքում Չինաստանին սպասվող հետևանքների մասին
Աշխարհ
ԱՄՆ նախագահ Ջո Բայդենը հեռախոսազրույց է ունեցել Չինաստանի նախագահ Սի Ցզինպինի հետ։ Զրույցի ընթացքում պետությունների ղեկավարները քննարկել են Ուկրաինայում Ռուսաստանի հատուկ օպերացիան, գրում է ՌԻԱ Նովոստին։
Նշվում է, որ քաղաքական գործիչների երկխոսության առանցքային թեման եղել է Դոնբասում ռուսական հատուկ գործողությունը։ Բայդենը Սի Ցզինպինին հայտնել է ԱՄՆ-ի և նրա գործընկերների տեսակետն այս ճգնաժամի վերաբերյալ։ Բացի այդ, ամերիկացի առաջնորդը նախազգուշացրել է իր գործընկերոջը Ռուսաստանին աջակցելու դեպքում Չինաստանին սպասվող հետեւանքների մասին։
Բայդենը Չինաստանի ղեկավարին սպառնացել է, որ եթե երկիրը նյութական օգնություն ցուցաբերի Ռուսաստանին, ապա այս որոշումն աննկատ չի մնա։ Երկրների ղեկավարները նաև պայմանավորվել են բաց պահել հաղորդակցության ուղիները՝ պետությունների միջև մրցակցությունը կարգավորելու համար:
«Նախագահը նաև վերահաստատել է, որ Թայվանի նկատմամբ ԱՄՆ քաղաքականությունը մնում է անփոփոխ և ընդգծել է, որ ԱՄՆ-ն շարունակում է դեմ լինել ստատուս քվոյի ցանկացած միակողմանի փոփոխության», - ասվում է Սպիտակ տան հայտարարության մեջ:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
