Լուկաշենկոն կարծում է, որ ԽՍՀՄ-ի պահպանումը թույլ կտար խուսափել աշխարհում ցանկացած հակամարտությունից
Աշխարհ
Բելառուսի նախագահ Ալեքսանդր Լուկաշենկոն ճապոնական TBS հեռուստաալիքին տված հարցազրույցում ասել է, որ եթե ԽՍՀՄ-ը գոյատևեր, ապա դա կօգներ խուսափել աշխարհում հակամարտություններից։
«Ես ծնվել և ապրել եմ այս երկրում (ԽՍՀՄ – խմբ.), նվիրված էի այս երկրին, եղել էի Կոմկուսի անդամ, այն ժամանակ (ԽՍՀՄ փլուզումը – խմբ.) Բելառուսի (Բելառուսական ԽՍՀ - խմբ.) Գերագույն խորհրդի պատգամավոր էի, հետևաբար, ես զբաղվում էի քաղաքականությամբ: Ինձ համար, ինչպես նաև ամբողջ աշխարհի համար, հիմա ամբողջ աշխարհը հասկացավ դա, ողբերգություն եղավ՝ Խորհրդային Միության փլուզումը: Եթե Խորհրդային Միությունը գոյատևեր մինչ օրս, մենք կարող էինք խուսափել աշխարհի բոլոր հակամարտություններից»,- Լուկաշենկոյի խոսքերն է մեջբերում «Ինտերֆաքս»-ը։
Նրա խոսքով՝ Արեւմուտքն ու ԱՄՆ-ը միշտ էլ ստիպված են եղել հաշվի նստել Խորհրդային Միության դիրքորոշման հետ։ «Աշխարհը բազմաբևեռ էր, և մի բևեռը հավասարակշռում էր մյուսը: Այժմ աշխարհում տեղի ունեցողի պատճառը միաբևեռությունն է, մեր մոլորակի մենաշնորհացումը Ամերիկայի Միացյալ Նահանգների կողմից»,- ամփոփել է Բելառուսի ղեկավարը:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
