«Մենք ինտենսիվ խորհրդակցություններ ենք անցկացնում». Էրդողանը Պուտինի և Զելենսկու հետ շփումների մասին

Թուրքիայի նախագահ Ռեջեփ Թայիփ Էրդողանը շարունակում է կապի մեջ լինել Ռուսաստանի և Ուկրաինայի առաջնորդներ Վլադիմիր Պուտինի և Վլադիմիր Զելենսկու հետ։

«Թուրքիան հստակ դիրքորոշում է որդեգրել ուկրաինական ճգնաժամի հենց սկզբից, մենք ողջախոհության կոչ ենք անում և ցանկանում ենք, որ լարվածությունը թուլանա։ Մենք լայնորեն խորհրդակցում ենք դրան հասնելու համար: Ես շարունակում եմ կապեր պահպանել Զելենսկու և Պուտինի հետ»,- ասել է Թուրքիայի ղեկավարը Անկարայում Նիդեռլանդների վարչապետ Մարկ Ռյուտեի հետ բանակցություններից հետո։