Ռուսական զորքերն արդեն գտնվում են «Ազովստալի» տարածքում. Արախամիա

Ռուսաստանի հետ բանակցություններում ուկրաինական պատվիրակության ղեկավար, «Ժողովրդի ծառա» խորհրդարանական խմբակցության նախագահ Դավիթ Արախամիան «Ազատություն» ռադիոկայանին տված մեկնաբանությունում հաստատել է, որ ՌԴ ԶՈւ-ն թափանցել է Դոնեցկի մարզի Մարիուպոլի «Ազովստալ» գործարան։

«Արդեն երկրորդ օրն է՝ գործարանը գրոհելու փորձերը շարունակվում են, ռուսական զորքերն արդեն գտնվում են «Ազովստալի» տարածքում»,- ասել է նա՝ անդրադառնալով «Ազովի» գնդի հրամանատարի խոսքերին։

Ուկրաինայի Զինված ուժերի գլխավոր շտաբի ամփոփագրում ժամը 18.00-ին ասվում էր, որ Ռուսաստանի Դաշնությունը հարձակողական գործողություն է իրականացնում գործարանը վերահսկողության տակ առնելու համար, սակայն դրանում հաջողություն չի ունեցել։