Արմեն Սարգսյանը ծննդյան 85-ամյակի առթիվ շնորհավորել է ՀՀ ժողովրդական արտիստ Գուժ Մանուկյանին
Հասարակություն
Հանրապետության 4-րդ նախագահ Արմեն Սարգսյանը ծննդյան 85-ամյակի առթիվ շնորհավորել է Հայաստանի Հանրապետության ժողովրդական արտիստ Գուժ Մանուկյանին։ Նրա ուղերձում ասված է․
«Ավելի քան վեց տասնամյակ Դուք թատրոնում և կինոյում կերտում եք ինքնատիպ զգացմունքայնությամբ ու հոգեբանական խորությամբ աչքի ընկնող կերպարներ, որոնք հաջողությամբ են հաղթահարում հանդիսատեսի քննությունն ու ժամանակի փորձությունը, որոնք հարստացնում են հայ մշակույթի և հայկական դերասանական դպրոցի լավագույն ավանդույթները:
Ձեր ստեղծագործական երկարամյա գործունեությունը վարպետության չընդհատվող դաս է ինչպես դերասանական տարբեր սերունդների, այնպես էլ արվեստասերների համար: Դրանում իր մեծ դերն ունի Ձեր ստեղծած և Ձեր ծննդավայր Գյումրիից սնվող մշակութային ու մարդկային, պարզ ու, միաժամանակ, խորը միջավայրը:
Մաղթում եմ Ձեզ, հարգարժան Վարպետ, առողջություն, արևշատություն ու ամենայն բարիք»:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
