Անգելա Մերկելը խոսել է Պուտնի հետ տարաձայնությունների մասին

Գերմանիայի նախկին կանցլեր Անգելա Մերկելը պաշտոնաթողությունից հետո առաջին անգամ հարցազրույց է տվել՝ խոսելով Ուկրաինայի, Վրաստանի և Վլադիմիր Պուտինի մասին։

Այն բոլոր տարիներին, երբ Մերկելը ղեկավարում էր Գերմանիայի կառավարությունը, նա ինչ-որ կերպ պետք է լուծեր Խորհրդային Միության փլուզման հետ կապված խնդիրները՝ Վրաստան, Ուկրաինա, Մերձդնեստր, Բալթյան երկրներ, Հայաստան, Ադրբեջան... Այս առումով նա հիշում է Պուտինի հետ հանդիպումը Սոչիում 2007թ.-ին, երբ հանդիպման սենյակ մտավ նախագահի շունը՝ Լաբրադոր Կոնին, գրում է Deutsche Welle-ը։

Հետո Պուտինը նախ Մերկելին ասել է, որ ԽՍՀՄ փլուզումը համարում է քսաներորդ դարի ամենասարսափելի իրադարձությունը։  Իսկ Մերկելը նրան ասել է, որ իր կյանքում դա երջանիկ պահ էր, որը թույլ է տվել իրեն ազատ տնօրինել սեփական ճակատագիրը։  «Պարզ դարձավ, որ մեր միջև մեծ տարաձայնություններ կային, և այդ տարաձայնությունները գնալով ավելի էին մեծանում»,- հիշում է Մերկելը։

Ցավոք, նա դժգոհում է, որ Եվրոպայում հնարավոր չի եղել ստեղծել այնպիսի անվտանգության ճարտարապետություն, որը կկարողանար կանխել Ռուսաստանի «թեժ» պատերազմն Ուկրաինայի դեմ»։ Բայց ոչինչ, ավելացնում է նա, չի կարող արդարացնել ռուսական ագրեսիան. «Սա դաժան հարձակում է, որը հակասում է միջազգային իրավունքին, և ոչ մի արդարացում չկա»:

Մերկելն այս ագրեսիան համեմատում է 1956 թվականին Հունգարիա խորհրդային ներխուժման հետ, 1968 թվականին Չեխոսլովակիա, 1953 թվականին ԳԴՀ-ում ապստամբությունը ճնշելու հետ. «Պուտինի ողջ ատելությունը, նրա ողջ թշնամանքն ուղղված է արևմտյան ժողովրդավարական մոդելի դեմ»,- նշել է նա։

 Շատերն են գրել Կոնի շան հետ կապված այդ դեպքի մասին ու դեռ հիշում են։ Պուտինի խոսնակը վստահեցնում էր, որ Կրեմլը չգիտեր, որ Մերկելը վախենում է շներից։ Ավելի ուշ այդ մասին հայտարարել էր ինքը՝ Պուտինը, Bild թերթին տված հարցազրույցում։ Նույնիսկ վարկած կա, որ նա ցանկացել է հյուրին ուրախացնել իր շնով, գրում է DW-ն։

«Երանի նրան, ով հավատում է», - մեկնաբանել է Մերկելը այս վարկածը և հիշել իր առաջին այցը Մոսկվա և 2005 թվականին կանցլեր ընտրվելուց հետո Ռուսաստանի նախագահի հետ հանդիպումը. «Արդեն այն ժամանակ Պուտինը ինձ ասաց, որ լսել է շների հետ կապված իմ խնդիրների մասին, և ինձ նվիրեց այդպիսի հսկայական շուն»։

Ըստ Deutsche Welle-ի՝ 2008-ին Անգելա Մերկելը դեմ է եղել Ուկրաինայի և Վրաստանի ՆԱՏՕ-ին անդամակցությանը։ Նա նշել է, որ եթե ՆԱՏՕ-ն անդամակցություն շնորհեր նրանց, ապա Ռուսաստանի նախագահ Վլադիմիր Պուտինը կարող էր «Ուկրաինային մեծ վնաս հասցնել» ինչպես եղավ Վրաստանում Բուխարեստի հայտարարությունից մի քանի ամիս անց։ Այդ ժամանակ ՆԱՏՕ-ն խոստացավ, որ այդ երկու երկիրը ապագայում ինչ-որ պահի միանալու են, բայց բայց հրաժարվեց գործարկել «Անդամակցության գործողությունների պլանը» (MAP), որը թույլ կտար նրանց միանալ Դաշինքին 5 կամ 10 տարվա ընթացքում։ 

Նա նշել է, որ Ղրիմի բռնակցումից հետո կտրուկ բեկում է եղել։ «Մենք հարաբերությունները պահպանում էինք, ինչպես պետք է անեն պետությունների և կառավարությունների առաջնորդները, սակայն ինձ համար բացարձակ պարզ էր դարձել, որ մենք գործ ունենք ոչ այնպիսի մեկի հետ, որը մեզ բարօրություն է մաղթում՝ մեր կենսակերպով հանդերձ։

Ես արժեքների մասին որոշակի պատկերացում ունեմ, և այն սկզբունքորեն տարբերվում է արժեքների մասին նախագահ Պուտինի պատկերացումից։ Նա ժողովրդավարությունը սխալ է համարում, ես՝ ճիշտ և կառավարման ամենամարդկային ձև՝ բոլոր թերություններով հանդերձ»,- ասել է Մերկելը։