«120 հազարից 15 հազար բնակիչ մնացել է Սևերոդոնեցկում». Գայդայ

Մինչ ռուս-ուկրաինական պատերազմը Սևերոդոնեցկում ապրում էր մոտ 120 հազար մարդ, իսկ այժմ քաղաքում մնացել է մոտ 15 հազար մարդ, ասել է Լուգանսկի շրջանի ղեկավար Սերխի Գայդայը։

«Սրանք այն մարդիկ են, ովքեր չեն ցանկացել մեկնել որևէ երկիր, իսկ հիմա դա հիմնականում անհնար է»,- ասաց նա։

Նաև, ըստ նրա, ռուսական բանակը ոչնչացնում է բազմաթիվ բնակելի շենքեր քաղաքում. այսպես են ռուս զինվորականներն ապահովում իրենց առաջխաղացումն ու դիրքերը քաղաքում։ Ըստ Գայդայի՝ ՌԴ զորքերի ամենօրյա կորուստները Սևերոդոնեցկում  «տասնյակներ» են։