Մրայա Քերիի նշանադրության մատանին դարձել է շոու բիզնեսի պատմության մեջ ամենաթանկը

Մրայա Քերիի նշանադրության մատանին ճանաչվել է ամենաթանկարժեք զարդը, որը երբևէ պատկանել է հայտնի մարդկանցից որևէ մեկին: Այս մասին հայտնում է DailyMail-ը։

Մատանին իր հարսնացու Մրայա Քերիին նվիրել է ավստրալացի միլիարդատեր Ջեյմս Փաքերը։ Ըստ DC Jewellery-ի` 35 կարատանոց ադամանդե մատանին արժեցել է 13,2 միլիոն ավստրալիական դոլար (10 միլիոն դոլար): Google-ի տվյալներով՝ «Մարիա Քերիի մատանին» որոնումների թիվը գերազանցել է 60 հազարը։

Ջեյմս Փաքերը և Մրայա Քերին բաժանվել են 2016 թվականի վերջին՝ սիրավեպից հետո։ Երգչուհու մենեջերներից մեկն ասել է, որ նա 2018 թվականին մատանին «թաքուն» վաճառել է Լոս Անջելեսի ոսկերիչին 2,1 միլիոն դոլարով։ Մարիայի խոսնակն ավելի ուշ պարզաբանել է. «Վերջերս Մարիան ասում էր, որ պետք է առաջ գնա և միշտ դրական լինի: Դա անելու համար պետք է ձեր ետևում թողնեք էմոցիոնալ և նյութական բեռը, ներառյալ նախկին ընկերոջ նշանադրության հին մատանին»:

Նա հավելել է, որ Մարիայի և ոսկերչի միջև կնքվել է «գաղտնիության պայմանագիր», ինչը նշանակում է, որ մատանու վաճառքի մանրամասները երբեք չեն հաստատվի։