Ճապոնիայի նախկին վարչապետ Սինձո Աբեն մահացավ

Ճապոնիայի նախկին վարչապետ Սինձո Աբեն մահափորձից հետո մահացել է հիվանդանոցում, բժիշկները մի քանի ժամ պայքարել են նրա կյանքի համար։ Այս մասին ուղիղ եթերում հայտնում է Fuji News Network-ը։

Նա 67 տարեկան էր։ Քաղաքական գործիչը ծանր վիճակում ընդունվել է Նառա քաղաքի հիվանդանոց այն բանից հետո, երբ նախընտրական հանրահավաքի ժամանակ 41-ամյա Տեցույա Յամագամին ինքնաշեն որսորդական հրացանով կրակել է նրա վրա։ Հիվանդանոց գնալու ճանապարհին Աբեի սիրտը կանգ է առել, սակայն բժիշկներին հաջողվել է նրան վերակենդանացնել։ Նա մի քանի ժամ անցկացրել է վերակենդանացման բաժանմունքում, որտեղ ստացել է ամեն տեսակի օգնություն, այդ թվում՝ արյան փոխներարկում։ Նա մահացել է տեղական ժամանակով ժամը 17:03-ին (Երևանի ժամանակով՝ 11:03-ին):

Աբեի դեմ մահափորձի մասին հայտնի դարձավ հուլիսի 8-ի առավոտյան։ Միջադեպը տեղի է ունեցել Ճապոնիայի Նառա քաղաքում քարոզարշավի ժամանակ։ Ճապոնիայի ինքնապաշտպանության ուժերի նախկին նավաստին թիկունքից մոտեցել է քաղաքական գործչին և որսորդական հրացանով կրակել նրա վրա։ Յամագամին ասել է քննիչներին, որ դժգոհ է Աբեի քաղաքականությունից և ցանկանում էր սպանել նրան: